Kîam 14
14
Aburamu nîwatethûrire Loti
1Kwarî na athamaki ana. Amurafeli mûthamaki wa Babuloni, Arioku mûthamaki wa Elasa, Kadorilaomeri mûthamaki wa Elamu, na Tidali mûthamaki wa Goimu. 2Athamaki acio nîmaathiîre kûrûa na athamaki engî atano: mûthamaki Bela wa Sodomu, Birisha mûthamaki wa Gomora, Shinabu mûthamaki wa Adima, Shemeberi mûthamaki wa Zeboimu, na mûthamaki wa Bela (kana Zoari). 3Athamaki aya atano nîmaatukanîre athigari ao kûu Kîamndarî Kîam Sidimu (Kana Îria rîa cumbî). 4Athamaki aya maarî rungu rwa mûthamaki Kedorilaomeri mîaka îkûmi na îîrî, nwatî mwakarî wa îkûmi na îthatû, o nîmaareganire nake. 5Mwakarî wa îkûmi na îna, mûthamaki Kedorilaomeri vamwe na athamaki arîa engî maarî vamwe nake nîmaathiîre na makîriva Arefaimu arîa maatûûraga Ashiterothi-karinaimu, na Azuzimu arîa maatûûraga vûrûrirî wa Hamu, Aemimu arîa maatûûraga Shave-kinathaimu 6na Ahori arîa maarî kîrîmarî Kîam Edomu, na makîmarûmîrîria nginya Eliparani rûtere rwa werû. 7Kedorilaomeri nîmaacokire makîgarûrûka magîcoka Kadeshi (îrîa yetagwa Enimishipati). Nao nîmaavootire vûrûri wonthe wa Amaleki, na wa Amori arîa maatûûraga Hazazonitamaru.
8Nao athamaki a Sodomu, Gomora, Adama, Zeboimu, na wa Bela (kana Zoari) nîmoocire mbûtû ciao cia athigari na makîthiî mbaararî Kîamndarî Kîam Sidimu. 9Maathiîre kûrûa na Kedorilaomeri mûthamaki wa Elamu, Tidali mûthamaki wa Goimu, Amurafeli mûthamaki wa Babuloni, Arioku mûthamaki wa Elasa; athamaki ana nîmaarûire na athamaki atano. 10Kîanda kîu gîa Sidimu gîecûrîte marima ma rami. Na rîrîa athamaki a Sodomu na Gomora maageragia kûûra maume mbaararî, nîmaagwîre marimarî mau, nwatî athamaki acio engî athatû nîmaaûrîre îrimarî. 11Nao athamaki acio engî ana nîmaakuire indo cionthe irîa ciarî Sodomu na Gomora, vamwe na irio ciakuo makînathiî. 12Nîmoocire Loti mûvîcî wa mûrwang'ina na Aburamu vamwe na indo ciake cionthe na makîthiî nake. Loti aatûûraga kûu Sodomu.
13Nwatî mûndû ûmwe nîwatorokire na akîthiî akîîra Aburamu ûcio Mûhibirania ûvoro ûcio wonthe. Aburamu aatûûraga vakuvî na mîtî îrîa mîamûre ya Mamure ûrîa Mûamori. Mamure maaciaranîrîtue na Eshikoli na Aneri na meethagîrwa marî ngwatanîro na Aburamu. 14Rîrîa Aburamu eegwire atî mwîvwa wake Loti nîmûnyite, nîwatongoririe andû magana mathatû ma îkûmi na anana arîa maaciarîrîtwe gwake na maamenyete kûrûa, na makîvinyûria athamaki acio ana nginya Dani. 15Arî kûu, Aburamu nîwagaanirie andû ake a mbaara ikundi, na makîthithûkîra nthû ciao ûtukû. Ke na njamba ciake nîmaavootire andû acio makîmavinyûria makîmakinyia nginya Hoba mwena wa rûgûrû wa Damesiki. 16Aburamu nîwavotire gûcokithia indo irîa ciatavîtwe wa vamwe na mwîvwa wake na indo ciake, aka na andû arîa engî onthe maatavîtwe.
Aburamu nîwarathimirwe nî Melikizedeki
17Na rîrîa Aburamu aacokire arîkia kûvoota Kedorilaomeri vamwe na athamaki acio engî, mûthamaki wa Sodomu nîwathiîre kûmûtûnga Kîamndarî gîa Shave. (Na nwa kuo gwetagwa Kîanda gîa Mûthamaki). 18#Ahib 7.1-10 Nake Melikizedeki, ûrîa warî mûthamaki wa Salemu na nwake warî mûthînjîri-Ngai wa Ngai ûrîa ûrî Îgûrû Mûno, nîwavirîre Aburamu mîgate na ndivei. 19Nîwamûrathimire na akiuga atîrî, “Ngai ûrîa ûrî Îgûrû Mûno, ûrîa waûmbire îgûrû na nthî arorathima Aburamu! 20Ngai ûrîa ûrî Îgûrû Mûno ûrîa ûmûvotithîtie kûvoota nthû cienyu arogoocwa.” Nake Aburamu nîwavere Melikizedeki gîcunjî gîa îkûmi Kîam indo cionthe irîa aacokithîtie.
21Mûthamaki wa Sodomu nîwerire Aburamu atîrî, “Îkara na indo icio ciatavîtwe nwatî ûnjokerie andû akwa onthe.”
22Aburamu nîwamûcokerie atîrî, “Nie nîngwîvîta nîrî mbere ya Ngai-Mûnene, Ngai ûrîa ûrî Îgûrû Mûno, na ûrîa waûmbire îgûrû na nthî 23atî, gûtirî kîndû wa naarî kîmwe gîaku ngaatigwa nakîo wana nginya rûrigi rwa nguo kana rûrigi rwa kîratû nîguo ndûkauge atî, ‘Nînie naatûmire Aburamu atonge.’ 24Gûtirî kîndû ngwîtîkîra tiga wa kîrîa andû akwa maatûmîre. Nwatî îtîkîria andû arîa twarî ûûrûmwe nao makuue îgai rîao. Andû acio nî: Aneri, Eshikoli, na Mamure.”
Terpilih Sekarang Ini:
Kîam 14: KKB
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019