Kîam 11
11
Nyomba ndaca ya Babuloni
1Kîambîrîriarî andû a nthî maaragia rûthiomi rûmwe na ciugo wa imwe. 2Nîgwatuîkire atî rîrîa andû mathamaga kuuma mwena wa îrathîro, nîmaakinyire Babuloni kûndû kwaraganu na magîtûûra kuo. 3Nao nîmeeranire atîrî, “Tigani tûmbe matuvarî na tûmavîvie maûme waro.” Kwoguo nîmaagîre na matuvarî ma gûtuma na rami ya kûmanyitithania. 4Nîmaacokire makîrana atîrî, “Tigani tûtume îtûûra rîrî na nyomba ndaca îrîa gacûmbîrî ka yo gakaavutia matu nîguo tûgîe îgweta, na tûtikanyagarûke nthî yonthe.”
5Ngai-Mûnene nîwaûkire nthî kwona îtûûra na nyomba îo ndaca andû maatumîte, 6na akiuga atîrî, “Taroria, andû aya nî andû amwe, na onthe marî na rûthiomi rûmwe, na gîkî nî Kîammbîrîria Kîam ûrîa tu mageka. Gûtirî ûndû makeenda gwîka ûmareme! 7Tiga tûnyûrûrûke nthî nîguo tûmavîngîcanîrie rûthiomi rwao, nîguo matikeguithanagie mîariorî.” 8Kwoguo Ngai-Mûnene nîwamanyaganirie nthî yonthe na magîtiga gûtuma îtûûra rîu. 9Îtûûra rîu rîetagwa Babeli, nîûndû kûu nîkuo Ngai-Mûnene aavîngîcanithirie nthiomi cia andû onthe, na kuuma vîndî îo Ngai-Mûnene nîwanyaganirie andû nthî yonthe.
Njiarwa cia Shemu
(1Maû 1.24-27)
10Ino nîcio njiarwa cia Shemu. Rîrîa Shemu aarî wa mîaka îgana rîmwe, nîwagîre na mûvîcî wetagwa Aripakishadi mîaka îîrî vuva wa manjî gwîcûra nthî. 11Vuva wa kûgîa na Aripakishadi nîwatûûrire mîaka îngî magana matano (150) na akîgîa na ciana ciîngî cia anake na erîtu.
12Rîrîa Aripakishadi aarî wa mîaka mîrongo îthatû na îtano (35) nîwagîre na mûvîcî wetagwa Shela. 13Nîwacokire agîkara mîaka magana mana ma îthatû (403) na kavindarî wa kau nîwagîre na ciana ciîngî cia anake na erîtu.
14Rîrîa Shela aarî na mîaka mîrongo îthatû (30), nîwagîre na mûvîcî wetagwa Eberi. 15Vuva wa gûciara Eberi, Shela nîwekarire mîaka magana mana ma îthatû, (403) na kavindarî wa kau nîwagîre na ciana ciîngî cia anake na erîtu.
16Rîrîa Eberi aarî wa mîaka mîrongo îthatû na îna (34), nîwagîre na mûvîcî wetagwa Pelegi. 17Vuva wa ûguo Eberi nîwatûûrire mîaka magana mana ma mîrongo îthatû (430) na nîwagîre na ciana ciîngî cia anake na erîtu.
18Rîrîa Pelegi aarî wa mîaka mîrongo îthatû (30), nîwatuîkire îthe wa Reu. 19Vuva wa kûgîa na Reu, Pelegi aatûûrire mîaka magana maîrî ma kenda (209), na kavindarî kau nîwagîre na ciana ciîngî cia anake na erîtu.
20Rîrîa Reu aarî na mîaka mîrongo îthatû na îrî (32), nîwatuîkire îthe wa Serugi. 21Vuva wa kûgîa na Serugi, Reu aatûûrire mîaka magana maîrî ma mûgwanja (207), na kavindarî kau nîwagîre na ciana ciîngî cia anake na erîtu.
22Rîrîa Serugi aarî wa mîaka mîrongo îthatû (30), nîwagîre na mûvîcî wetagwa Nahoru. 23Vuva wa kûgîa na Nahoru Serugi nîwatûûrire mîaka magana maîrî (200); na kavindarî wa kau nîwagîre na ciana ciîngî cia anake na erîtu.
24Rîrîa Nahoru aarî wa mîaka mîrongo îrî na kenda (29), nîwagîre na mûvîcî wetagwa Tera. 25Nahoru nîwacokire agîkara mîaka îgana rîa îkûmi na kenda (119) na kavindarî wa kau nîwagîre na ciana ciîngî cia anake na erîtu.
26Rîrîa Tera aarî wa mîaka mîrongo mûgwanja (70), nîwagîre na anake athatû. Nao nî Aburamu, Nahoru na Harani.
Njiarwa cia Tera
27Ino nîcio njiarwa cia Tera ûrîa warî îthe wa Aburamu, Nahoru na Harani. Harani aarî îthe wa Loti. Harani aakwire mbere ya îthe Tera. 28Harani aakuîrîre Uri vûrûrirî wao wa Akalidei. 29Aburamu nîwavikirie Sarai, nake Nahoru nîwavikirie Milika mwarî wa Harani. Harani nwake warî îthe wa Isika. 30Sarai ndaarî na ciana, aarî nthaata.
31Tera nîwocire mûvîcî Aburamu na mûcûkûrûwe Loti ûrîa warî mûvîcî wa Harani. Nîwocire Sarai mûka wa mûvîcî Aburamu, makiuma kûu Uri gwa Akalidei, nîguo mathiî vûrûrirî wa Kanaani. Nwatî rîrîa maakinyire vûrûrirî wa Harani, nîmaatûûrire kuo. 32Tera aakuîrîre vûrûrirî wa Harani arî na ûkûrû wa mîaka magana maîrî ma îtano (205).
Terpilih Sekarang Ini:
Kîam 11: KKB
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019