Marko 3
3
Ukuponesigwa ugwa kiboko ikilale
(Mat. 12,9-14; Luk. 6,6-11)
1Popapo alinkwingila kangi mu-Sinagogi; lelo mo alimo
2mumo umundu ugwa kiboko ikilale. Balinkuntegelela balinkuti tukete bo ambumbulwisye pa-Sabati, ukuti po
3basyagilege papo isya kumohela. Po umwene alinkuyoba kumundu ugwa kiboko ikilale alinkuti: Sumuka gwime pakati.
4Alinkubalalusya alinkuti: Syo shiku isi sitikisigwe pa-Sabati, ukubomba inunu pamo ukubomba imbibi? Ukupoka ubumi
5pamo ukugoga? Abene loli balinkuya mye itolo. Bo abenesisye nubukalale, kangi bo bumwagile ubusulumanie panongwa ya bupalapala bwa ndumbula syabo, po alinkumbula umundu yula alinkuti: Golosya ikiboko kyako. Umwene alinkukigolosya, popapo ikiboko kyake lulinkuya kinunu itolo.
6Nakalinga itolo abaFarisai balinkusoka panja, balinkuyobana pamopene nabanya Herodi balinkwitikana isya kungogelamo.
Ukubumbulusigwa abangi
(Mat. 12,15-16; Luk. 6,17-19)
7Popapo Yesu alinkwikwaba nabafundigwa bake, alinkubuka kunyanja; po ikilundilo ikikulumba kilinkunkonga ukufuma
8mu-Galilai; nukufuma mu-Yudai, na mu-Yerusalemu, na mu-Idumia, na mwisilya lila lya Yordani, na mumbafu sya Tiri na Sidoni, ikilundilo ikikulumba kilinkwisa kumyake bo
9bapilike ingulumba syosa isi abombaga. Umwene alinkubabula abafundigwa bake ukuti bambikilege ngani akaboti
10pabupipi, ukuti ikilundilo kingisakumfinyilaga; namanga ababumbulwisye ba bingi, fyobene bosa aba syabakufyaga indamwa, balinkumbopela mumbili balinkuti tumpalamasye.
11Na si mbepo inyali bo simbwene, silinkubunguluka nkyeni mmyake silinkukuta silinkuti: Ugwe uli Mwana gwa Kyala.
12Umwene alinkusikemela fiyo ukuti singamfumusyaga.
Yesu ikubasala abatumigwa kalongo na babili
(Mat. 10,1-4; Luk. 6,12-16)
13Popapo alinkufyuka pakyamba, alinkubabilikila aba abalo-
14ndaga; abene balinkwisa kumyake. Alinkubimika kalongo na babili ukuti bo bayege nagwe, kangi ukuti bo abatumege
15ukulumbilila, alinkubapa amaka ga kusikagila imbepo inyali.
16Alinkubimika kalongo na babili: Simoni yo alinkumpa ingamu
17ya Peteri, na Yakobu unnya Zebedai na Yohani unnuguna gwa Yakobu, alinkubapa iya Boanergesi, ko kuti banya
18kulunduma kwa njasi; na Andrea na Filipu, na Bartolomai na Tomasi, na Yakobu unnya Alfai, na Tadai na Simoni gwa
19mu-Kana, na Yuda gwa mu-Karioti, uyu ulwanyuma ambikaga mmaboko ga balugu.
Yesu ikwamula kuli isi bikuti, ikubombela mmaka ga Setano
(Mat. 12,22-37; Luk. 11,14-23; 12,10)
20Popapo alinkwingila nnyumba, ikilundilo kilinkubungana
21kangi, bunobuno balinkutoligwa nukulya ifindu. Lelo bo abakamu bake bapilike, balinkubuka kukunkola, papo batigi
22untu gwake gonangike. Lelo popapo abamanyakalata, aba basulwike ukufuma mu-Yerusalemu, balinkuti: Ali na Belzebuli; kangi balinkuti: Mu mmaka ga nkulu gwa mbepo inyali,
23mo mumo ikusikagila imbepo inyali. Umwene alinkubabilikila, alinkuyoba nabo mfifwanikisyo alinkuti: Ngimba Setano
24abagile ukunkaga Setano? Ubutwa linga bwilundulenie bubo
25butupu, ubutwa ubo bukabagila ukuyako; yope ninyumba linga yilundulenie yiyo ndupu, inyumba iyo yikabagila uku-
26yako. Yope linga Setano isambukile yuyo, linga ilundulenie
27mwene, akabagila ukuyako; bo imalile yuyo. Nayumo umundu akamanya ukwingila nnyumba ya gwa maka nukupupa ifyuma fyake, pene papo linga ampinyile tasi ugwa
28maka, po loli isakupupaga ifya nnyumba yake. Naloli nikubabula une nikuti, syosa itolo bikuswegigwaga abana ba
29bandu, imbibi namahelu, nalinga gaye mahelu maki; loli uyu linga ikunhelula Mbepo Mwikemo, akaya nubuswe nasiku, yo
30ikuyaga ninongwa ya bwilabwila. Papo batigi: Ali nimbepo inyali.
Ubunyamundu bwa naloli
(Mat. 12,46-50; Luk. 8,19-21)
31Popapo unna nabamyabo balinkwisa; bo bimile panja,
32balinkutuma indumi ya kumbilikila. Ikilundilo kyatugesye kyalinsyungutile, po balinkumbula balinkuti: Keta, unyoko nabanugunago, nabalumbugo bali panja bikukulonda.
33Umwene alinkubamula alinkuti: Yuba nabamyitu bo
34baliku? Bo akelengenie nukubaketa abandu aba balitugele nukunsyungutila, alinkuti: Keta yuba nabamyitu bo bababa.
35Buno uyu linga ikubomba sisyo iganile Kyala, yo nnuguna gwangu, yo ilumbu gwangu, kangi yo yuba.
Terpilih Sekarang Ini:
Marko 3: NYY
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Nyakyusa Ngonde New Testament (Ulwitikano Ulupya) © United Bible Societies, 1966.
