Marko 1
1
Yohani Umosi nindumi yake
(Mat. 3,1-12; Luk. 3,1-17; Yoh. 1,6-28)
1Ubwandilo bwa Ibangeli#Ibangeli ko kuti inongwa inunu, pamo indumi inumu. ili likunjoba Yesu Kristi,
2uMwana gwa Kyala. Lili bo apa lisimbigwe mwa Yesaya unkunguluka, ukuti:
Keta nikuntuma ugwandumi gwangu nkyeni mmyako,
Uyu isakutendekesya injila yako;
3Ilisyu lya nkoleli likukolela ndukubo:
Amutendekesyege injila ya Ntwa,
Mugolosyege imisebo gyake.
4Mo mumo abonekile Yohani ukosya ndukubo nukulumbilila ulosyo lwa lupinduko, ulu lukutwala ubuswe bwa nongwa.
5Popapo balinkunkulukila abandu ikisu kyosa kya mu-Yudai naba mu-Yerusalemu bosa, balinkosigwa ndwisi Yordani, bo
6bikwilata inongwa syabo. Umwene Yohani afwalaga unselekesye gwa lusyoya lwa ngamila, numpango gwa lukoba munsana; kangi alyaga amapalalila nuluki lwa mmatengele.
7Alinkulumbilila alinkuti: Panyuma pamyangu ikwisa uyu angindile amaka une, uyu ngabagila nukwinama pakwabula
8utukoba twa nifilato fyake. Une ne mbosisye namisi, umwene isakubokesyaga na Mbepo Mwikemo.
Ukosigwa kwa Yesu
(Mat. 3,13-17; Luk. 3,21-22; Yoh. 1,31-34)
9Lelo popapo mmasiku gala, Yesu alinkwisa ukufuma mu-Nazareti nkisu kya mu-Galilai, alinkosigwa kwa Yohani mwa
10Yordani. Nakalinga itolo bo ikufyuka mmisi, alinkwaga kumwanya kukwiguka, Mbepo ikunsololokela ukuti ngunde;
11ilisyu lilinkufuma kumwanya lilinkuti: Ugwe gwe Mwanangu unkundwe, mmyako mo nikyelile.
12Nakalinga itolo Mbepo alinkwakumbika ndungalangala;
13mo alinkuya ndungalangala amasiku amalongo mana (40), alinkugeligwa na Setano. Alinkuya pamopene nifinyamana, abandumi ba Kyala balinkumbombela.
Yesu ikwanda ukulumbilila
(Mat. 4,17; Luk. 4,14-15)
14Panyuma bo akoligwe Yohani, Yesu alinkwisa mu-Galilai,
15alinkulumbilila inongwa inunu sya Kyala, alinkuti: Akabalilo kafikile, ubutwa bwa Kyala busegelile; amupindukege nukusitika inongwa inunu.
Yesu ikubabilikila abafundigwa bake abatasi
(Mat. 4,18-22; Luk. 5,1-11; Yoh. 1,35-51)
16Lelo bo ikwenda pambali panyanja ya Galilai, alinkubabona ba-Simoni na Andrea ugwamyabo gwa Simoni, bo bikusopa
17ulwelo munyanja; namanga bali balobi. Yesu alinkuyoba nabo alinkuti: Isaga mungongege, nikubapelaga ukuya balobi
18ba bandu. Nakalinga itolo balinkusileka inyelo syabo,
19balinkunkonga. Lelo bo akindilepo panandi, alinkubabona ba-Yakobu unnya Zebedai na Yohani ugwamyabo bali mwi-
20boti, bikutendekesya inyelo syabo. Nakalinga itolo alinkubabilikila; balinkundeka ugwisabo Zebedai mwiboti pamopene nababombi, balinkunkonga.
Yesu ikumbumbulusya ugwa mbepo inyali mu-Kapernaumu
(Luk. 4,31-37)
21Balinkwenda balinkwakufika mu-Kapernaumu. Lelo pisiku lya Sabati alinkwingila mu-Sinagogi alinkumanyisya.
22Balinkuswiga fiyo ukumanyisya kwake, namanga bo ikubamanyisya abonekaga ukuya yo mwenenasyo yuyo, akali bo
23abamanyakalata. Lelo mu-Sinagogi yabo alimo umundu
24ugwa mbepo inyali, yo alinkukolela alinkuti: Tuli buki nanuswe nanungwe, gwe Yesu gwa mu-Nazareti? Gwisile nkutupyuta itolo? Ngumenye ugwe, uli Mwikemo gwa
25Kyala. Umwene Yesu alinkuyikemela, alinkuti: Batama!
26usokemo mmundu uyu. Popapo imbepo inyali yilinkundusanikisya kosakosa, yilinkusoka bo yikukuta inguto ingulumba.
27Balinkuswiga itolo bosa, balinkulalusania balinkuti: Fyo fiki fififi? Lumanyisyo lupya! buno na si mbepo inyali ikusilagila
28namaka, isyene sikwenda nukumwitika. Nakalinga ukufumuka kwake kulinkufika kosakosa, mfisu ifi fipalamene na Galilai.
Yesu ikumbumbulusya unko gwa Peteri unkikulu, nabangi
(Mat. 8,14-17; Luk. 4,38-41)
29Lelo bo basokile mu-Sinagogi, balinkwingila nnyumba ya ba-Simoni na Andrea. Bali pamopene na ba-Yakobu na
30Yohani. Loli unko gwa Simoni unkikulu alambalele, ali
31nisekema. Balinkusita nukuhaba ukumbula. Bo asegelile kumyake, alinkunkola ikiboko alinkunsumusya. Popapo isekema yilinkundeka, alinkubabombela.
(Mat. 8,16-17; Luk. 4,40-41)
32Namayolo lelo bo liyongile ilisuba, balinkuntwalila bosa
33ababine, naba mbepo inyali; bope naba nkaya mumo bosa
34balinkubungana pakifigo. Umwene alinkubabumbulusya ababine ba bingi indamwa syosa, nukusisosya imbepo inyali si nyingi itolo. Alinkusikanisya imbepo inyali bo sikuti tuyobe, namanga syalimmenye.
(Luk. 4,42-44)
35Nulubunju bo kukali ukukya alinkulembuka, alinkusoka
36alinkubuka ndukubo, mo alinkwakwiputa. Umwene lelo
37Simoni nabanine balinkundonda. Lelo bo bamwagile, bali-
38nkumbula balinkuti: Abandu bosa bakubingilile. Umwene alinkubabula alinkuti: Tubuke kubungi ntwaya utungi utwa mbupipi muno, ukuti mope ngalumbililege; buno syo isi nisile.
39Popapo alinkulumbilila mmaSinagogi gabo nkisu kyosa ikya mu-Galilai, nukusisosya imbepo inyali.
Ukubumbulusigwa ugwa bukoma
(Mat. 8,1-4; Luk. 5,12-16)
40Lumo alinkwisa kumyake ugwa bukoma, alinkufugama nukupyelesya alinkuti: Linga gwiganile, ubagile ukunyelusya.
41Umwene bo ikisa kimwagile, alinkugolosya ikiboko kyake,
42alinkumpalamasya alinkuti: Niganile, elukaga. Nakalinga
43ubukoma bulinkundeka, alinkweluka. Popapo bo ammuma-
44nile fiyo, alinkumosya mbibimbibi, alinkuti: Keta, ungayakumbulaga nayumo umundu, loli buka ukibonesye kumputi; kangi ukasosyege ifya kwiyelukisya fifyo alagile Mose, fyo
45fiyege fya kumanyilamo abene. Umwene loli bo asokile alinkwanda ukulumbilila nukusifumusya inongwa sisisi; fyobene Yesu alinkusita nukwingila nkaya pabwelu, alinkuya pabusitabandu. Popapo balinkufuma mosamosa ukubuka apa alipo.
Terpilih Sekarang Ini:
Marko 1: NYY
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Nyakyusa Ngonde New Testament (Ulwitikano Ulupya) © United Bible Societies, 1966.
