Matai 27

Yesu ikutwaligwa kwa Pilati

(Mar. 15,1; Luk. 23,1-2; Yoh. 18,28-32)

1Lelo bo bukile nulubunju, po bosa abaputi abakulumba nabakulumba ba bandu balinkukomana, balinkuyobana

2isya kungoga Yesu. Lelo bo bampinyile, balinkumwega nukumbika mmaboko ga Pilati undindililakisu.

Ukufwa kwa Yuda

3Umwene Yuda uyu alimbikile mmaboko gabo, bo asibwene ukuti bandongile ukuti afwege, alinkwiyagania, alinkugomosya indalama sya fesa sila amalongo matatu kubaputi abakulumba

4na kubakulumba, alinkuti: Ndulile inongwa apa mbapele ililopa ilisita nongwa. Abene balinkumwamula balinkuti: Syo sikutubombelaga fiki uswe sisisi? Sili mmyako yuyugwe.

5Popapo alinkusitaga indalama sya fesa mwa Tempeli, alinku-

6buka, alinkwakukinda pakwitulika. Popapo abaputi abakulumba balinkusala indalama sya fesa sila, balinkuti: Kukaya kununu ukusibika mwibokosi lya Tempeli, buno sya fihombi-

7gwa fya ilopa. Abene balinkuyobana, balinkwakula ungunda gwa mbumbandeko nindalama sila; balinkuti buyege buyo

8bwa kubasyililapo abahesya. Po apa ungunda gula guku-

9yobigwa ukuya ngunda gwa ilopa na kulilino kuno. Popapo silinkwisila papo isi syayobigwe nunkunguluka Yeremia apa atigi: Balinkwega indalama sya fesa amalongo matatu, untengo gwake ugu apimiligwe yuyo, muli uyu abanya Israeli bamo

10balimpimile untengo, syo balinkubomba pangunda gwa mbumbandeko, bo mumo uNtwa alindagile une.

Yesu nkyeni mwa Pilati

(Mar. 15,2-15; Luk. 23,3-5.13-25; Yoh. 18,33—19,16)

11Popapo balinkumwimika Yesu nkyeni mundindililakisu; umwene undindililakisu alinkundalusya alinkuti: Ugwe uli Ntwa gwa baYuda? Yesu alinkwamula alinkuti: Bo lilyo

12kuyoba. Lelo bo ikoheligwa nabaputi abakulumba, nabandu,

13nabakulumba umwene alinkusita nukwamula nalimo. Popapo Pilati alinkuyoba nagwe alinkuti: Utikupilika syosa isi biku-

14kohela? Umwene alinkusita nukwamula nalimo ilisyu; bunobuno undindililakisu alinkuswiganika fiyo.

15Bwila pakyaka, undindililakisu ali nulwiho lwa kubabulila aba nkilundilo yumo ugwa nnyololo uyu linga bandondaga.

16Pakabalilo kako bali nagwe ugwa nnyololo yumo umfumuke

17ububibi, uyu ali yo Baraba ingamu. Lelo bo babungene, popapo Pilati alinkubalalusya alinkuti: Mwatigi mbabulilege

18aliku, Baraba pamo Yesu uyu bikuti yo Kristi? Namanga amenye ukuti bantwele kumyake panongwa ya kabini itolo.

19Umwene lelo bo atugesye pakikota kya kulongela, popapo unkasi alinkutuma indumi ya kuti: Ungabombaga nasimo numundu ungolofu uyo, namanga mfundigwe umusyugu

20munjosi panongwa yake. Abene abaputi abakulumba nabakulumba balinkufisonga ifilundilo, ukuti bansumege Baraba,

21loli Yesu yo bangogege. Loli undindililakisu alinkwamula, alinkubabula alinkuti: Mbandu babili bababa, mukulonda

22mbabulilege aliku? Abene balinkuti: Baraba. Umwene Pilati alinkubalalusya alinkuti: Ndubulege nagwe Yesu, uyu bikuti yo Kristi? Bosa balinkuti: Akomeligwege pakiko-

23hekano. Umwene alinkuti: Fiki, abombile mbibi ngi? Abene balinkukindilila ukuywega fiyo balinkuti: Akomeli-

24gwege pakikohekano. Lelo bo Pilati agile ukuti inongwa syake sya itolo kumyabo, loli ku kulundukana ko kukwanda, alinkwega amisi, alinkusugusula mmaboko nkyeni nkilundilo, alinkuyoba alinkuti: Une ndi mwelu itolo nilopa lya mundu

25ungolofu uyu, syinu yuyumwe. Popapo abandu bosa balinkumwamula balinkuti: Ililopa lyake litwisilege uswe naba-

26nitu. Popapo alinkubabulila Baraba; loli Yesu, bo akomigwe nifikoti, popapo alinkubapa ukuti akomeligwege pakikohekano.

Yesu ikukomeligwa pakikohekano

(Mar. 15,16-32; Luk. 23,26-43; Yoh. 19,1-5.17-27)

27Popapo abasikali ba ndindililakisu balinkuntwala Yesu munyumba ya bulindililakisu, mo balinkumbunganila abasikali

28ikilundilo kyosa itolo. Balinkumfula imyenda, balinkumfwika

29unselekesye umfubifu; balinkuluka ingiga ya mifwa, yo balinkumfwika pantu, kangi balinkumbika ingili nkiboko kyake ikililo. Popapo balinkufugama nkyeni mmyake, balinkumwangalila balinkuti: Tukukuponia gwe Ntwa gwa

30baYuda; balinkunswela amata, balinkwega ningili yila,

31balinkunkoma pantu. Lelo bo bamwangalile, balinkumfula unselekesye gula, balinkumfwika imiselekesye gyake; popapo balinkubuka nagwe kukunkomela pakikohekano.

(Mar. 15,20-32; Luk. 23,26-43; Yoh. 19,16-24)

32Lelo bo bikusoka, popapo balinkumwaga umundu yumo ugwa mu-Kireni, uyu ali yo Simoni ingamu; balinkunkola

33ukuti ampimbile ikikohekano kyake. Lelo bo bayilekufika nagwe pabuyo ubu bikuti Golgata, ko kuti po palupaya,

34popapo balinkunwesya ubwalwa bwa mafilu ubu balyongenie

35ninyongo; loli bo abunogelisye, alinkusita ukunwa. Lelo bo bankomile pakikohekano, popapo balinkuyabana imyenda gyake kunjila ya bulagusi. [Ukuti mo sisilege isi syayobeligwe munkunguluka apa atigi: Bayabene imyenda gyangu,

36panselekesye gwangu po babikile ubulagusi.] Popapo bali-

37nkutugala papo, balinkundindilila. Kumwanya kubwa kuntu, babikile ubusimbe ubwa nongwa yake ubwa kuti: UYU

38YO YESU, UNTWA GWA BAYUDA. Popapo balinkugikomela palikimo nagwe iminyambuta mibili, limo kukililo,

39limo kukimama. Loli bope naba bakindaga papo, balinku-

40nhelula nukusukania imitu gyabo, balinkuti: Gwe mpangula-Tempeli nukunjenga kumasiku matatu, ipoka gwimwene lelo

41linga uli Mwana gwa Kyala, ika pakikohekano. Bunobuno bope abaputi abakulumba, nabamanyakalata, nabakulumba

42balinkumwangalila balinkuti: Abangi abapokaga, loli umwene akabagila ukwipoka; yo Ntwa gwa Israeli! Asulukege lelo

43ukufuma pakikohekano, ukuti tumwitikege. Ansubilaga Kyala, yo alimpokaga lelo linga anganile; buno atigi: Une

44ndi Mwana gwa Kyala. Gyope niminyambuta igi gyakomeligwe lumo nagwe, gilinkuntuka.

Ukufwa kwa Yesu

(Mar. 15,33-41; Luk. 23,44-49; Yoh. 19,28-30)

45Popapo ingisi yilinkugwa nkisu kyosa, yilinkufuma pakabalilo ka ntandatu, yilinkwakufika pakabalilo ka buhano na

46buna.#Ko kuti: ukufuma bo lili pantu, ukufika mwilunduko. Pakabalilo ka buhano na buna, Yesu alinkukuta ilisyu ilikulumba alinkuti: Eli, Eli, lema sabaktani? Ko kuti:

47Gwe Kyala gwangu, Kyala gwangu, undekile fiki? Loli bamo aba balyimile papo, bo bikupilika balinkuti: Ikumbilikila yo

48Elia. Nakalinga yumo alinkubopa mbibimbibi, alinkwega akenda aka ayubike mwa asiki, alinkufyika kulutete, alinku-

49nnwesya. Abangi loli balinkuti: Ndeke, tukete linga Elia

50ikwisa kukumpoka. Umwene Yesu alinkukuta kangi ilisyu ilikulumba, popapo alinkusililika.

51Popapo ilibalika lya mwa Tempeli lilinkutafukana pakati, ukufuma kumwanya ukwakufika pasi. Ikisu kilinkuse-

52nyendeka, inyalabwe silinkutatukana, amapumba galinkwiguka, nimibili mingi itolo igya bikemo aba bafwile gilinkusyu-

53sigwa; lelo bo umwene asyukile, balinkusoka mmapumba gabo, balinkwakwingila nkaya akikemo, balinkubasetukila

54ba bingi. Umwene sarjenti pamopene naba bali nagwe pakundindilila Yesu, bo bakabwene akasenyenda, na syosa isi syabonike, balinkutetema fiyo, balinkuyoba balinkuti: Naloli

55umundu uyu ali Mwana gwa Kyala. Loli balipo papo nabakikulu ba bingi aba baketaga pabutalipo, abene bo aba

56bankongaga ukufuma mu-Galilai, ukuti bambombelege. Nkilundilo kyabo alimo Maria gwa mu-Magdala, na Maria unna gwa ba Yakobu na Yosefu, nunna gwa banya Zebedai.

Ukusyiligwa kwa Yesu

(Mar. 15,42-47; Luk. 23,50-56; Yoh. 19,38-42)

57Bo bwilile namayolo, popapo alinkwisa umundu yumo unkabi gwa mu-Arimatai, uyu ali yo Yosefu ingamu, uyu

58yope alipelile ukuya mfundigwa gwa Yesu; yo alinkubuka kwa Pilati, alinkugusuma umbili gwa Yesu. Umwene Pilati

59alinkulagila ukuti bampepo. Popapo Yosefu alinkugwega umbili, alinkuguniembetelela mmwenda umwelu untaka-

60nyifu, alinkugubika mwipumba lyake ipya itolo, ili asongwile ndwalabwe; alinkubungulukisyapo ibwe inywamu pakifigo

61kya ipumba, popapo alinkubuka. Lelo balipo papo ba-Maria ugwa mu-Magdala, na Maria uyungi yula, bo batugesye baningene nipumba.

62Ulwa kilabo, pisiku ili lyakongesenie nilya kwitendekesya, popapo abaputi abakulumba nabaFarisai balinkubungana pa

63Pilati, balinkumbula balinkuti: Malafyale, tukukumbuka ukuti unsyobi yula bo akali mumi, ayobile atile: Bo gakindile

64amasiku matatu, nisakusyukaga. Ulilagilaga lelo lilino, ukuti ilipumba lilindililigwege ukufika pisiku lya butatu; ko kuti bangisakwisa abafundigwa bake kukumwiba, kangi bayobege kubandu ukuti asyukile mbafwe; lelo po ubusyobi bwa

65kunyuma, bwende nukubukinda ubutasi. Umwene Pilati alinkubabula alinkuti: Amubegege abalindilili, mubukege

66mukalindililege bo mumo mumanyile yuyumwe. Popapo balinkubuka, balinkwakulilindilila ilipumba, balinkubika ikikolekelo pibwe; nabalindilili balinkuya papo.

Terpilih Sekarang Ini:

Matai 27: NYY

Highlight

Kongsi

Salin