Matthew 8
8
Chaptergē Stanshungā.
1TLĪSTLUAN lthdouwē stāhā il kātlātālānitlo, ltha skūl yūan lā tlā istiēdang.
2Waigen kwoking, nung hēlōda lā an kātlāgang, waigen hinu singelthkang il gūshouang: Shālānā, dung kwudungstlo, kwunan dī dung tlaskwunagelthasang.
3Stlē unga il jistlaiang, waigen lā il gidsgildasken hinu il shouan, kingān lth waushang, skwunageltha: waigen houītang hēlōda langa skwunagālang.
4Waigen Jesus hin il shūtaiang, kum nung ītlinga swaunshung ga lth shūdāng: kūwē gud lth unga kaiit, waigen nung laplētga lth agung kingda, waigen tliku Moses takingwoḡangang kingān saouhadan kin lā ga lth ista.
5Tlīstluan Capemaum tligē gu il kātlāgang tlo, Soldiers lagwau klēlth an nung ītlagidāgang lā an kātlāgang, waigen hinū lā alth il kiānangang:
6Shālānā, dī kitzadalung swaun annā tīdang, stiglīida alth il stigung waigen il whauaḡunḡung.
7Waigen Jesus hin il shūtaiang, lā lth tlatagwiēlāshang.
8Waigen Soldiers lagwau klēlth an nung ītlagidas hin hangtlan shouan, Shālānā, kiagin nē shāshi hetgwi dung katsiēannu kum dī lānḡung. Kil unga alth swaunan lth shū, waigen dī kitzada nūngistlāsang.
9Nung ītlagida hangast nung ītlinga ed dī isis althlā, waigen kiagin Soldiersgē ishin dī hangast ēdung: anis hin lth shūdang, kaiitla, waigen il kaiitaḡunḡung: nung kalat hin lth shūdang, halūt, waigen althkwi il kāḡunḡung: waigen kitzada unga hin lth shūdang, adshi lth ista, waigen kingān il wauḡunḡung.
10Tlīstluan Jesus kwudangāni tlo il kwulthlthālang, lā tlā ltha istals hin il shūtaiang: yenkien dalung ga lth shūḡung, Israel tligē gu anung yetayūans kum hin lth kīīānḡun.
11Waigen dalung lth shūdang, ltha skūla ẖougūst stāhā istlāshang, chāgūst ishin: waigen Abraham isken, Isaac ishin, Jacob ishin kwulthlu ltha tluadāshang shāgē kingdomgē gwau.
12Waigen kingdomgē kitilung kiak halga ā dānḡashang, giouk sahaigasēsi gwau, waigen zing unga kokopitasēs ishin.
13Jesus hin Soldiers lagwau klēlth an nung ītlagidas shutaiang, kūwē gud lth unga kaiit, waigen tliku dung yetas kingān dung an edasang. Yenkien ashgē askaskitē glu il kitzada nūngistlaiang.
14Tlīstluan Jesus Peter giē nē ik katsaiang tlo, il jūnan stikīna alth stigang il kāngang.
15Waigen il stlē il gidsgildaiang, waigen stikīna gē lā stāhā hēlouang: waigen il kātlouang ken tou ltha ga il istaiang.
16Waigen singyāstlo, lth hāada kwan hetgwaulana alth stāouwas lā ā ltha kēlthilangang, waigen kil unga alth hānts dāungas kiak il dāngang, waigen ltha stis wautliwan il tlanūngistlaiang.
17Tliku nung Prophetgas Isaiah shouan kingānu edāni, waigen hinū il shouan: ītil stisu lā kwodanan istaiang, waigen ītil helthilthkiasu il wunaḡunḡung.
18Wēata, tlīstluan Jesus ltha skūla yūan addūlthkang il kāngāni tlo, ingwīk ltha il istasālang.
19Waigen takalunglē swaun kātlāgang ken hin lā il shūtaiang, Nungītlagidas, tlītzan dung kās kingān dung tlā lth kāshang.
20Waigen Jesus hin il shūtaiang, nakadziū nē daang, waigen siēt ettit isis lthtelgē daang, waigen nung ītlinga kit kum tlītzan il kats kēyūda klinḡe il daānḡung.
21Waigen lagagahatijanḡē kalat hin il shūtaiang, Shālānā kwai lth aung unga dī tlēēwau tlāganda.
22Waigen Jesus hin il shūtaiang, dī tlā lth kā, agwan ltha kwotalthgiē ltha kwotalthgas unga tlēēwauda.
23Waigen tlīstluan kontluwē gwi ī il kātlīgāni tlo, lagaga hatijanḡē ishin lā tlā istlīgang.
24Waigen kwoking, tungē ā aiyūdstl' yūanan, waigen aiyuwē kontluwē telgu gūstlaḡanḡang: waiken il kattaiang.
25Waigen lagagahatijanḡē lā kwulth istzaiang, waigen lā ltha tlaskinaiang, waigen hin ltha shouan: kagindaltha, Shālānā ītil gūdālgung.
26Waigen hin ltha il shūtaiang, kashintlou dalung lthwaugaḡunḡung? O klingān dalung yetang! Itan il kātlouang ken, tatjouwē isken tungē ishin il stitaiang, waigen wadla glaiad yūanan.
27Waigen lth hāada kaldungāḡang, waigen hin ltha shouan: kasin nung ītlinga edū ā īching. Yenkien tliku il shūs kingān tatjouwē isken tungē ishin īching.
28Waigen tlīstluan Gadarēne tligē gu il tlu kātlātajāni tlo, lth hāada stung hetgwaulana alth stāouwas lā an istlāgang: giouk tlēēwas stāhā lā an il istlaouang. Yenkien il kātliyil dung gīīuḡangang, altsīilth kum tliku nung ītlinga wadshi kūwē gud kā klingē kāng gaangang.
29Waigen kwoking, kwunan il hin sahaigaouang: kasino dung talung edāshang, Jesus? Shānungetlagidas kit dahou īching: timegē kwunast hetgwaugē ik ītil dung dānḡēan gu ītil an dung kātlā us?
30Waigen ltha stāhā wadshgwau agwi kwosho kwan lthtanouang.
31Altsīilth ga hetgwaulanagas gē hin lā alth kiānung tlīdzouang: kiak ītil dung dāngsken, kwai lth kwoshougē kātliā ītil kil istiēd.
32Waigen hin ltha il shūtaiang, istiēdulthā. Waigen tlīstluan ltha issāgang tlo, kwoshougē kātli ik ltha istzaiang, altsīilth kwoshougē wautliwan stelahans stāhā tungē ik ḵhūdjangaiang, waigen hānlthē ā akkītūkōodzouani.
33Waigen tuman ga kāngang gē ishin khūstaiang, waigen ilnigē ā il istiēdouang: kin wautliwan alth il giatlindaouang, tliku hetgwaulana alth ltha stāouwaiang alth il giatlindaouang.
34Waigen kwoking, lana asku hāada kiak issāḡang Jesus an ltha istlāḡēanā: waigen tlīstluan lā ltha kāngāni tlo, skwausgiou stāhā lthanga il kaiitē da lā alth ltha kīānangang.
Terpilih Sekarang Ini:
Matthew 8: HAIDA
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
First published by the British and Foreign Bible Society 1891-1899.
