Matthew 7
7
Chaptergē Chigwau.
1KUM lth ta ginkilislungāngu, waigen dalung ishin kum ginkilislungāngshang.
2Altsīilth tliku ginkilislung ed alth dalung ta ginkilislungstlo dalung ishin alth ltha ginkilislungshang: waigen tliku kwīdou ed alth dalung kwīdastlo, dalung ishin alth ltha kwīdāshang.
3Waigen kashintlou dung kwai hangi ā kinḡiiskuns dung kinḡung, waigen dung hangi ā kin yūan isis alth kum dung kwuskitānḡung?
4Dung hangi stāhā lthāalgwi kin dī istada hin gu kwai unga dung shūta us? waigen kwoking kin yūan dung hangi ā īching.
5Dung kwutungē stungung, hangi unga stāhā lthāalgwi lth kin yūan ista tlāgang, waigen itan kwai unga hangi stāhā lthāalgwi kin dung istiēan yenkien dung an kāngūlāsang.
6Kin lā isis kum hā ga istaangu, isi ishin kum pearlsgē kwosho kwunast unga katdāngn: stē unga alth wē ī tananungasēsi althlā, waigen dalung gwi hangousken dalung ī ishin hananungasang.
7Kin da lth kiānungu, waigen dalung daēlthasang: kin da lth kingu, waigen dalung kiāshang: skostaḡouultha, waigen wast dalung an astlāshang:
8Ltha wautliwan han kin da kiānungsi ū istagunḡung: kin da nung kingsu wū kiāgunḡung, waigen nung skostagasi an wast astlāshang.
9Kasin nung ītlinga ed dalung shu isis il kit shibili da lā alth kiānungsken, kwau gu lā ga il ista us?
10Waigen skātlink da lā alth il kiānungsken, sik gu lā ga il ista us?
11Dalung dāungaskenan, tliku saouhadan kin las ginggangan kitilung ga istiē an dalung ūnshitstlo: kisītlu wautelgu dalung Aung shā isis lā alth ltha kiānungs ga kin lā istāshang?
12Altsīilth kin wautliwan lth hāada dalung an istiē da dalung kwudungstlo, waikingān dalung ishin ltha an lth isto: ou lawgē īching, waigen ga prophetgas gē kālungē ishin.
13Kwulthkadis kūwē ālthli tumzu ai lth istalo: hetgwaulana giē kwulthkadazi kūwē ālthlasi althlā: hetgwaulana giē kūwē ishin ālthlāgung, waigen ga kwan ai istalgunḡung, gēu hetgwaugē ā ltha halistalgung.
14Kwulthkadazi kūwē tumzūsi althlā, kūwē ishin kityāang, waigen ltha gūgē kīīgunḡung, gēu hēninga ā ltha halistalgung.
15Ga prophetgas gē kilthkadungasu lamato kinā giandas dalung an istlāstlo, stāhā lth ga gwudagungo, ltha kātli ou ẖōts saatsa isis althlā.
16Lthāgiē hānē althlu ltha an dalung ūnshitalthasang. Lth hāada gu wine hānē kin lthkai ḵî stāhā gwuda istagung us? gu hōtdungal stāhā ishin figsgē gwuda ltha istagung us?
17Altsīilth kin lthkai las wautliwan hāna lā inastlagunḡung, waikingān kin lthkai dāungas gud hān dāunga inastlagunḡung.
18Kin lthkai las gud kum tliku hān dāunga inastla klingē kāng gaanḡung: waigen kin lthkai dāungas gud kum tliku hān lā inastla klingē kāng gaanḡung.
19Kin lthkai wautliwan gud kum hān lā inastlānsken ltha skikundalgunḡung, waigen zano si ltha istagunḡung.
20Altsīilth lthāgiē hānē althlu ltha an dalung ūnshitalthasang.
21Kum ltha wautliwan Shālānā, Shālānā, hin dī shūtas shāgē kingdomgē gu istlāngshang: tliku dī Aung shā isis kwuduns kingān nung was swaunan shāgē kingdomgē gu katsāshang.
22Shantlan ostlastlo, ltha kwan hin dī shūtāshang, Shālānā, Shālānā, kum gu dung kēyi alth tlāgūk talung gūshūāngudja? dung kēyi alth kum gu kin an kaldunga talung tlaoutlāngudja? waigen dung kēyi alth kum gu ga hetgwaulanagas gē kiak talung dāngāngudja?
23Waigen hin ltha lth shūtāshang, kum dalung an dī ūnshitānḡung, dī stāhā lth issu kin dāunga dalung istas althlā.
24Altsīilth kīstho ashgē gūshouwē dī na kwudungsken, waigen kingān il wausken, nung ītlinga kutungā tīsh inku nē tlaoutlaiang kingān lā lth edāsang.
25Waigen dela gūouang, hānlth kāgang, tatjouwē attawaiang, waigen wadshi nē inku attaouang, waigen kum ḵhōhunzāngani, tīsh inku nē idjāni althlā.
26Ltha wautliwan ashgē gūshouwē dī na kwudungsken, waigen kum kingān nung wāngsken, nung kōnungala tās inku nē tlaoutlaiang kingān lā lth edāsang.
27Waigen dela gūouang, hānlth kāgang, tatjouwē attawaiang, waigen wadshi nē inku attaouang, altsīilth nē ḵhōhunzaiang, yenkien ū ḵhōhunza yūanāni.
28Jesus ashgē gūshouwē tlanēlthtaianglu, ltha skūlas kin il skadadaiang an ltha kaldunganḡang.
29Kin wautliwan an nung ūnshitungs kingān kin ltha il skadadaiang althlā, waigen kum ta kālunglēilung kingān il edāngang.
Terpilih Sekarang Ini:
Matthew 7: HAIDA
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
First published by the British and Foreign Bible Society 1891-1899.
