Juan Is Mehitenged te Surat ni Juan
Is Mehitenged te Surat ni Juan
Hentei si Jesus? Iyan heini insà te mahabet he menge etew zutun te kegkaahaa zan kandin wey te kegkezineg̵a zan te tudtul mehitenged kandin. Ne iyan ded daan heini insà te menge etew g̵untaan. Maan is kinahanglan he edseg̵ipaan tew sikandin?
Si Juan, utew emig̵u ni Jesus. Ne hein neipus en is kebpatey wey kegkevanhew ni Jesus, wazà med-engked si Juan he ebpenudtul mehitenged ki Jesus. Mezakel is midtuu kandin, iyan, eduwazuwa zaan is duma umba inseysey ni Juan pinaag̵i te surat is mehitenged ki Jesus wey is mehitenged te menge penurù ni Jesus su wey meketuu is kada sevaha.
Kayi te surat ni Juan egkevasa ta is kebpetug-iringa ni Jesus te keugelingen din te igkeuyag te etew he iyan is keenen wey wahig su g̵eine te ebeg̵ey sikandin te untung he wazà pidtemanan. Ne elin daan mibpetug-iringan din te keugelingen din is kerayag su g̵eina te ebpeketayew sikandin te menge etew kayi te kelibutan. Ne iring daan sikandin te teg̵ig̵aked te layud he kerehidu su g̵eina te ebpurungan din ed-elimahi is menge sakup din. Impesavut ni Jesus he iyan dà sikandin sikan is ibayà pehendiyà te Amey zin he Megbevayà wey inseysey zin daan he neked-iring dan te Amey zin.
Ne g̵untaan, hentei si Jesus? Iyan sikandin utew lavew he egkinehenglanen tew, ne is minsan hentei he edawat wey edtuu kandin ebeg̵ayan din sikandan te ketenged wey zan mehimu he menge anak te Megbevayà. (Juan 1:12)
Terpilih Sekarang Ini:
Juan Is Mehitenged te Surat ni Juan: mbbNT
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2001, Wycliffe Bible Translators, Inc., All rights reserved.