Matai 1
1
Yesu Kalisi-te danggakook-anjo
(Luk 3:23-28)
1 #
1Kro 17:11; Jen 22:18 Hil sen Yesu Kalisi pumak sil-ato ond haalend-anjo. Yesuu-ju ond Devit-ate hil vu taamusin ti, de Devit ond Abalaam-ate hil vu taamusin ti.
2Abalaam hako noow Isak, tonde Isak hako Yaakop, tonde Yaakop hako Yuda-so halindin, 3#Jen 38:29-30; Rut 4:18-22tonde Yuda hako Peles ayuuh Sila, yuuhate tangganaan Tema, tonde Peles hako noow Heslon, tonde Heslon hako noow Lam, 4de Lam hako noow Aminadap, tonde Aminadap hako noow Naason, tonde Naason hako Salmon, 5#Rut 4:13-17de Salmon hako Boas sen tangganaan Lehap-ato, tonde Boas hako Obet sen tangganaan Lut-ato, tonde Obet hako noow Jesi, 6#2Sml 12:24tonde Jesi hako noow Devit sen tu omaaho lulemak-ato.
Tonde Devit hako noow Solomon, tonde Solomon tangganaan-anju ond Ulia vane bôôy. 7#1Kro 3:10-16Tonde Solomon hako noow Liaboam, Liaboam hako Abaisa, Abaisa hako Esa, 8tonde Esa hako noow Yosapat, de Yosapat hako Jolam, Jolam hako Usia, 9Usia hako Jotam, Jotam hako Ehas, Ehas hako Hesekia, 10tonde Hesekia hako Manase, de Manase hako Amos, Amos hako Yosia, 11#2King 24:12-16; 2Kro 36:10; Jer 27:20tonde Yosia hako Jekonaia-so halindin, tonde hôôk busin-anju hil Babilon landuuh hil Islel-ambe lako sil-ambe lala
dando Babilon.
12 #
Esra 3:2
Lala dando taaku Babilon lung la, tonde Jekonaia hako Sialtiel, de Sialtiel hako Selababel, 13Selababel hako Abaiat, Abaiat hako Elaiakim, Elaiakim hako Eso, 14tonde Eso hako Sedok, de Sedok hako Ekim, Ekim hako Elaiat, 15tonde Elaiat hako Eleasa, de Eleasa hako Matan, tonde Matan hako Yaakop, 16tonde Yaakop hako Yusep sen Malia layaa-to, ond Maliaa-ju sen hako noow Yesu sen danêêl nambe Kalisii-to.
17Omaahonôôn pin-anju sen lapumak Abalaam-ambe laam lôôt-ambe tok laam Devit-anju, ond silate danggakook nomaayuuh-ambe laam yumbeyuuh. Tonde vu Devit-ambe tok laam busin sen lala dando taaku Babilon-ato, ond yik silate danggakook nomaayuuh-ambe laam yumbeyuuh. Tonde vu busin sen lala dando Babilon-ato be tok laam Kalisi-te busin, ond yik danggakook nomaayuuh-ambe laam yumbeyuuh nambêênju having.
Malia hako noow Yesu Kalisi
(Luk 2:1-7)
18 #
Luk 1:27,35 Yesu Kalisi tangganaan hako yii-to yite danggakook-anjo. Laholin tangganaan Malia vu Yusep, le yuuh-ame dando lavuh ti le, naahen, tonde layi de Malia noow hôôk lak Vavi Vaambuung. 19De laya Yusep ond omaaho nivalok, ondeey me-wiingin nambe naanêêl vakasin langaah-ambe Malia ninaamum e, nganjo yoo wiingin nambe gavuuh Malia kaatokin amu. 20Yusep ka monavu vakasin-anju tombe yi mavin-ande Omaaho Bop-ate angela ti laam nêêl vu nambe, “Yusep, hong sen gate danggakook neep vu Devit-ato, game ganjêênin e. Onggako gate vêêh Malia be naas mando gaving hong, in unoopasiv sen lukaale lopayôô-ju ond Vavi Vaambuung vu vu yi. 21#Luk 1:31; 2:21; Sin 4:12Tombe le gako noow moow ti, tombe gale naateey haale naambe Yesu, in dangga nambe le nôôh yite hil vêêl in silate va nipaya.”
22Va pin-anju wiing-ambe Omaaho Bop-ate vakasin sen yite omaaho ti nêêl langaah-ato nôôn ak nambe, 23#Ais 7:14“Angge, vehaavu ti le noow dôôk-ambe gako noow moow ti, tombe le daateey haale naambe Emaanuel.” Yaanggilin haale naambe Anutu nando having yiiy.
24Yusep neep lung la de kandi, tombe wii-having nambe sen Omaaho Bop-ate angela nêêl vuu-to, om hako vane be yuuh dando, 25#Luk 2:21lemu Yusep oo lakin yi nivasa lôôt-ambe vêêh hako noow e mem teey haale nambe Yesu.
Terpilih Sekarang Ini:
Matai 1: mmo
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 1981, Wycliffe Bible Translators, Inc. All rights reserved.
