Kufita 3:7-8

Nɔ Aɔ̃ Lafɛ̃ɛ í ni, ǹ wa n yɛ bɛi à waa kpã inɛm ŋa iyi à wa Ezibitiu iju sãa sãa nɔ ǹ gbɔ bɛi à ya jɔ̀ à wasi ku dɔ̃ anu nɔ ǹ mà ara kuro nŋa ŋau. Ǹ kita wai ǹ naa n gba ŋa hai si awɔi inɛi Ezibiti ŋa nɔ n nya ŋa hai si ilɛu bɛ n bɔò ŋa si ilɛ jiida ku cĩ gɔ bii mii jiida fei í wa, amɔ do nyikɔ̃ fei wa kɔ̃ bɛi. Bɛi inɛi Kanaã ŋa à wa, do inɛi Hɛti ŋa, do inɛi Amɔre ŋa, do inɛi Ferɛzi ŋa, do inɛi Hɛvi ŋa, do inɛi Zebusi ŋa.