Ayat Alkitab yang Popular daripada Matyu 1

Kongsi

Deqa aqa aŋgro mel ŋambabqas. A na aqa segi tamo uŋasari naŋgo une kalil kobotetnjrsim naŋgi eleŋqas. Deqa ni aqa ñam Yesus waiyqam.”

“Niŋgi quiye. Bunuqna duŋgeŋge bei a tamo ombla ŋereŋosaisosimqa a gumaŋosim aŋgro mel oqas. Amqa naŋgi aqa ñam Emanuel waiyqab.” Ñam di aqa damu, “Qotei a iga koba na unum.”

Degsi are qaleqnaqa bati bei Tamo Koba Qotei aqa laŋ aŋgro bei aqaq ainaqa ŋeiobilqei na unej. Unnaqa laŋ aŋgro na minjej, “O Josep, Devit aqa moma, ni Maria ame. Ni ulaaim. Ni que. Qotei aqa Mondor aqaq aiqoqa a gumaŋqo.

Yesus Kristus a endegsi ŋambabej. Aqa aniqali Maria Josep na oqajqa saga qameb. Ariya Josep a Maria ombla ŋereŋosaisonabqa Qotei aqa Mondor Maria aqaq ainaqa a gumaŋej. Ariya Maria aqa gumbuluŋ Josep a endegsi quej, “Maria a gumaŋqo.” A degsi qusiq deqa a Maria uratqa marej. Ariya Josep aqa kumbra tulaŋ boledamu deqa a endegsi are qalej, “E lumu na Maria uratqai. E boleq na uratqasai. Maria a jemaiyo uge.”