Ayat Alkitab yang Popular daripada Mc 14

Kongsi

Max yal yin is txaj axca ti': Ach in Mam, masanilc'al tzet yetal chic'al je' oj. Mata chi je' c'am chi jay jun yailal tu' wiban, palta manchak yun wochwan ayin ti', aokab ochwan chi yunej, ẍi.

Iek el e wayan. Txajlanek, yet watx' c'am chex ayc'ayi, yet ay mac chi yak'lej ex yikban yin yobtakil. A janimail tec'an ton waayi, palta co mimanil, c'am chi techaj yuj, ẍi bay eb.

Wal yel chi wal ayex, tzanc'al tzet lugaril yulyibank'inal ti' bay ok al-lay el k'anejal yet colbanilej, ok al-lay c'apax el yabixal jun tzet max yun ix ix ti', yuj nalaytek ix, ẍi bay eb.

Xan max yal bay eb axca ti': —Ijan chin cam yuj cusc'ulal chi wabej. Cananek cayti', iquisokab ex wetok, ẍi bay eb.

Lanan wal low eb, max yion aj Jesús ixim pan. Max yalon yuj diosal yuj ixim. Max lajwi tu', max bijon ayok, max yak'on bay eb. —Loek, a ton in mimanil ti', ẍi bay eb.

Max lajwi tu', max yion c'apax aj jun vaso. A yet max lajwi yalon yuj diosalil yuj, max yaontok bay eb. Masanil eb, max wajan uc'nej eltek eb tzet ayay yul tu'. Max yal Jesús axca ti': A ton jun ti' in chiq'uil. A yuj, xan ok yun jun is cab trato Dios.*fn* Ok el in chiq'uil ti', yet watx' xiwil mac ok colchaj yuj.

A tu' max yal Jesús bay eb axca ti': —A yet jun ak'bal ti', ok cabax aj e c'ul win e masanil. Caytu' yaloncan yul tx'an Un Tz'ibbilcan axca ti': Ok wak' cam Cham ilom calnel, axa no calnel tu', ok saklemcantok no', ẍi.

Ajanek wan, tonek. Chi jay nak ok in aon oc yul k'ab eb wajc'ul, ẍi bay eb.

—Wal yel chi wal ayach, a yet jun ak'bal ti', oxelxa quin eon el en yin aloni, tol mayin ojtakok, cax ok ok' no caẍlan yet cayelal, ẍi bay.