Ayat Alkitab yang Popular daripada प्रेरित 1

Kongsi

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

यीशु ज़ि दोतंङ साते कुंई, सिर्फ गिऊ बाह परमेश्वरो कछंङ अधिकार तोह दुह टेम फेंसला लहज़िमी तोह। “केतिंङ दि पता लगाच़िमी ज़रूरत माह कि दुह टेम अपेहल अपतो।”

इच्च़ा ध्याड़ा अपेहल भत्ते चेलारे ठ्रोहका तोईरे ता यीशु ज़ि दोतिंङ हुकुम रेंई कि, “यरूशलेम शहर बि केट्रा था इलांई, पर दुह दान ओ इंतज़ार लांही अंऊ पिता परमेश्वरे केतिंङ रंड्रीमी वाईदा लहसी तते, दंङ अतु पाहठी केहच़ी गिऊ दोरच़ी तुह्ई ए थक्शातेन। छना कुचे यूहन्ना ज़ि ता केतिंङ ती रंङ साते बपतिस्मा रंदे पर थोड़े ध्याड़ो थल परमेश्वरे केतंङ साते बंङज़िमी थल्जी पवित्र आत्माबि च़रपोतो।”

यीशु ज़ि दुख उठाएच़िमी ए सिमी थल, पक्‍का सबूत रंङ साते कंड्रातो कि दुह श्रींङे तोह। दंङ प्रेरिता ज़ि झुह्ट निज़ा ध्याड़ा तचेक दुह श्रींङे तंङरिर दंङ यीशु ज़ि दोहपल तचेक परमेश्वरो राज्यो पाहठी गप्पार दोतिंङ सुनाएती।

यीशु दि गप्पा कुट्रीमी थल परमेश्वरे दोबि चेला तु तुइज़ी स्वर्गंङ रेंज़ा शिलिरे, दंङ दोरे दोबि तुंखा खंड्री मरतिर छना कुचे दुह इच्च़ा डुह बिचंङ अच़ा इलि।

छना यीशु खेका-खेका सर्गंङ यवाते दोहथर दोऊ चेलार ध्यान रंङ साते दोबी खंड्रातेर। अचानक झुह्ट गंङ मीहरे दोतु कछंङ अतिर। अंऊ छंङसे खमज़ेर लेहके तोईरे दोतु कछंङ अंज़े खड़े शुहचे इलिरे। दंङ कुट्री लेहतिर, “हे गलील प्रदेशो गंङ मीहरे, केहरे छिले खड़े शुहचे सर्गो हखा खंड्री लेहकी तोतोंई? दिह ए यीशु, अतिंङ परमेश्वरे केहतु कछंङ च़ि स्वर्गो हखा रेंज़ा शिली, ठीक ध्यांए ठ्रोह दुह यच़ाह अपतो छना ठ्रोह केहच़ी दुह सर्गो हखा इबी तंङातेन।”