Ayat Alkitab yang Popular daripada मत्ती 7

Kongsi

“तुमके जो चाँहत हए, बो परमेश्वरसे मागओ। परमेश्वर तुमके देहए, ढुणओ तओ तुम पएहओ, ढकढकबओ तओ तुमर ताहीं फाटक खुलोजएहए।

काहेकी जौन कोइ मागत हए, बोके मिलत हए; और जौन ढुणत हए, बो पातहए; जौन ढकढकाबैगो, बोके ताहीं खुलो जाबैगो।

“जहेमारे जौन मिर जा बचनके सुनत हए और मानत हए, मए एक बुद्धिमान आदमीके बरोबर मानंगो जौन अपन घर चट्टान उपर बनाइ।

जहेमारे जो तुम चाँहत हओ कि आदमी तुमरसँग अच्छो ब्यबहार करएं, तुम फिर बिनके सँग उइसी ब्यबहार करीयओ; काहेकी मोशाको नियम कानुन और अगमबक्तनको शिक्षा जहेहए।”

काहेकी पतरो हए फाटक, और अग्ठी हए बो डगर, जौन अनन्त जीबनमे पुगात हए, और थोरीए आदमी बोके पातहएं।”

“तुम केबल पतरो फाटकसे इकल्लो परमेश्वरके राज्यमे कुच पाबैगे, काहेकी चौणो फाटक सजिलो होत हए, बो डगर जो नरक घेन लैजात हए; और बहुत आदमी हएं, जौन चौणो डगरसे भितर घुसत हएं।

जहेमारेकी, तुम खराब हुइके फिर अपन लौंणालौंणीयाके अच्छो चीज देन जानत हओ कहेसे स्वर्गमे होन बारो तुमर दौवा बासे मागन बारेक कित्तो जद्धा करके असल चीज देहए।

“औरेन्के दोष मत् लगाओ, तुमके फिर परमेश्वर दोष नाए लगाबैगो, काहेकी जैसी तुम दुस्रेके दोष लगात हओ, उइसी परमेश्वर तुमर न्याय करैगो, और परमेश्वर तुमरसँग ठिक उइसी ब्यबहार करैगो, जैसी तुम दुस्रे सँग करत हओ।”

जौन मिर जा बचन सुनत हए और नाए मानैगो कहेसे, बोको तुलना मए एक मुरख आदमीसे करत हओं, जौन अपन घर जग बिनाको बनाइ।

“तुम अपन सँगी-बिश्वासीनको छोटी-छोटी गल्ती देखलेत हओ। पर अपनी बणी-बणी गल्ती नाए देखतहओ। जब तुमर अपनी भितर बणी-बणी गल्ती हएं, तओ तुम छोटी गल्ती करन बारे आदमीनके मदत करन कोसिस मत् करओ!

“झुठो अगमबक्तासे होसियार रहाओ, जो तुमर ठिन भेंणाके रुपमे भेष बादलके आत हएं। पर खासमे बे नुक्सान करन बारे गुलहा कता होत हएं। उनको कामसे तुम बिनके चिनैगे। का आदमी काँटोको झाँगसे अंगुरके तोरपाबैगो और का सेहुँर मैसे अञ्जीर तोरपाबैगो?

उइसी करके हरेएक रुखा अच्छो फरा फराबैगो, और खराब रुखा खराबए फरा फरएहए।

अच्छो रुखा खराब फरा नाए फराए पएहए, नए खराब रुखा अच्छो फरा फराए पएहए।

अच्छे फरा नाए फरान बारे सबए रुखाके काटके आगीमे फेंको जएहए, और झुठे अगमबक्तनके फिर उइसीयए दण्ड दओ जाबैगो।”