Ayat Alkitab yang Popular daripada Genesis 21

Kongsi

Dan MASRA sori Sara En bunfasi leki fa A ben pramisi en. A du san A taki tak' A ben o du.

Ma Gado ben yere fa a boi e kari. Dan fu heimel a Engel fu Gado kari Hagar dan a aksi en taki: “Hagar, san du yu? No frede, bika Gado yere a sten fu a boi ondro a pikin bon. Opo go teki a boi dan yu e brasa en hori, bika Mi o meki den bakapikin fu en tron wan bigi folku.”

Sara hori bere, dan a meki wan boi gi Abraham tapu en owrudei. Disi psa tapu a ten di Gado ben taigi den taki a o psa.

Dan Sara taki: “Gado meki mi e lafu baka èn ala sma di yere sa lafu nanga mi.”

Ma Gado taigi Abraham taki: “Yu no abi fu firi ferferi fu a tori fu a boi nanga a umasrafu fu yu. Du ala sani san Sara aksi yu fu du. Bika na den bakapikin fu Isak den o kari pikin fu Abraham.

Ma mi sa meki den bakapikin fu a boi fu a umasrafu tron wan folku tu, bika a de wan pikin fu yu tu.”