Ayat Alkitab yang Popular daripada Mark 13

Kongsi

Ia kena nakama hakoa meililoko okou, maikinimea okou ekapa kemale anau. Ia poi hekama meihakina i anau hanokae kehaoki, kena Keakua meikonaꞌi kama na.

Lolosi. Okou iala kahi. Maikinimea okou semakino keualoko hee {kama ekipu kama} meivaꞌai mai.

Ia kena kulana nakama la meikaohi okou nohakonukonu, okou isehakekele hea okou meime aꞌe. Okou ime aꞌe nakama la nakakala kela Keakua meau aku i okou. Ia seme pela okou mekakala soꞌokou. Emeia Keanana Kapu mekakala iloko okou.

Ia kena kevaelani ialuna ma kemaalama nei meio nooki, ia nakakala anau selavaa keoki.

“Sehikama emakino keaho hee, ia ma keualoko hee namea nei hakoa meiapihi mai, niaina na{enselo} i kevaelani, ia ma {kama ekipu kama}. Kamana soia emakino.

Ia okou meilono nakaua, ia ma nakakala kaua meihamai. Namena meiapihi aku. Ia okou isemakaꞌu. Name na sehuli aku kehaoki kemaalama nei.

“Ia kena okou ilolosi hapulu. Maikinimea okou semakino kulana hee {kama ekipu kama} la meivaꞌai mai muli; ame kulana keiahi, kulana kuapo, keualoko namoa ekani, ma kulana keaka. Ame kama la ehamai vave, kama la meikili okou sekanakana, ia emoe oia. Hea anau eme aku, anau eme aꞌe nakama hakoa, ‘Lolosi hapulu.’ ”

Naonohenua meivuhu ma alaonohenua. Kenoholana meivuhu ma kelaa noholana. Ia komaꞌi naꞌina meilulu hia kelulu henua. Ia keone la mekae aꞌe nahenua la, kena komaꞌi nakama meimake kehiꞌai. Ia kenei keꞌamaka nahalono lihu. Ehau poi kehine eisu imua aia emamaoha kamaliꞌi aia.

Ia kena imua kehaoki kemaalama nei, nakama kaukali anau la meikaukaꞌu aꞌe kelono kaualeꞌa Keakua i naonohenua hakoa.

Komaꞌi nakama meio aku i kemale anau, kena ime aku pela lakou niMesaea, kena mehailavaꞌa komaꞌi nakama.

“Okou ilolosi hamakonu. Nakama la meihakaꞌi okou i nahale hakonukonu. Ia nakama la meilili kia okou iloko nahale loku. Ia nakama la mehakaꞌi okou imua namaisu nakama hamakua, ia ma nakuꞌu hoi, pela ikakala aꞌe nakama la kelono kaualeꞌa. Namenei meiapihi aku, maikinimea okou ekaukali mai anau.

Alakama meinuku laoi ma lakou niMesaea, ia alakama meinuku laoi ma lakou ehakae nakakala Keakua. Nakama la meihuli aꞌe namahi hananiu, ia ma nahaꞌaku lakou, pela ihailavaꞌa nakama kela Keakua ehilihili la.

“Imuli nahalono lihu la, kelaa la meipouli, kena kemaalama la mesekii. Keakua meilulu kevaelani iseo konu namela naala lakou, kena nahekuu kevaelani meimaoha ilalo.