Ayat Alkitab yang Popular daripada Luke 12

Kongsi

Kena okou ikanakana pela hoi. Maikinimea {kama ekipu kama} mevaꞌai mai keualoko okou sehakaꞌoko pela aia meivaꞌai mai.”

Emeia okou ihakekele maha pela Keakua mehamakua naola okou. Ia kena kama la meihoꞌi aku namea la hakoa.

Kena ko Jesus ime aꞌe nakama la, “Lolosi hamakonu. Okou isemanaꞌo. Niaina hekama haimemoꞌu, namela meselavaa kemea keola aia la iꞌakoa.”

Okou meihakaꞌoko kahi keꞌina kela okou mehakau naheheaꞌu kaualeꞌa okou la.

“Niaina hekama ehakekele mahi keola aia, kama la meselavaa kehanuu keola aia la iloloa, ia selavaa kehapaa aꞌe keaho hokahi.

Kena Jesus eme aꞌe nakama kaukali aia la, “Anau eme aku okou isehakaꞌoko maha naola okou. Okou isehakekele naꞌai okou meꞌai la. Ia okou isehakekele napamalo okou meleleu na hoi.

Naola okou elaꞌa iluna nalupe komaꞌi. Keakua emakino keꞌoina naloulu napohoulu okou. Kena okou isemakaꞌu, maikinimea naola okou nimea elahi i namaisu Keakua, elaꞌa iluna ma nalupe la.

“Anau melolosi okou poi hekama elolosi napunua {sipisipi} aia. Kena okou isemakaꞌu. Maikinimea Kamana okou la hihai iau aku kenoholana aia la ma okou.

Ila aꞌe naivi la. Namanu la sekoli naꞌai lakou, ia sehihale kehaꞌuku naꞌai la. Ia Keakua ehanai namanu la. Ia naola okou elaꞌa iluna namanu la.

“Okou isehakaꞌoko kahi hea okou meiꞌai ma hea okou meiunu. Okou isehakekele maha namea na.

“Keakua ehalalaꞌei naꞌauke iloko malae la. Keaho nei naꞌauke naveve la eola, ia kaiao umake, kena meilakua iluna keahi ivela. Ia okou elaꞌa iluna naꞌauke la. Niaina ma okou sehakina, Keakua mekauhano kekonaꞌi okou.

“Namea hakoa kela ehunaa lia mehuli aꞌe. Ia namea kela eꞌuhi, melavea lia oia.