Ayat Alkitab yang Popular daripada Lukasa 23

Kongsi

De ahao o Yesusu wagahoko o nyawa mata-mata gea wato, “Baba, naofi dika to ona naa manga howono Ngohino, angamoi ona duru ko ihiorikua abe o kia yodiai!” De ipaha de ma tentara gea yomaketebobataru la ato ahao ihioriki hokokia yomahikodoku o Yesusu ai baju mata-mata abe ko iwihidapakuahi de ahuputoka.

De o Yesusu wipaluhu wato, “Naa tonihingahu ngonaika abe bootino o wange naa dika de ngona nohidodiawo Ngohi o Horogaka!”

De ahao witemo o Yesusika wato, “Yesusu, duru togahoko la ma oraha Ngona nahikoano ani nyawaika de nohihininga de nohidafongo ngohi naa.”

De ma oraha gea de o Yesusu wopoaka waamo-amokiye wato, “Baba, naa Ngohi tomahidoaka ahi womaha la tonihitagongo to Ngona ani giama ma hoatika.” De hokogea wopoaka ibooto de gea ai ngomaha itoakoka.

De ipaha yomahiadonoka ma ngiika abe ihiromanga o nyawa manga pea ma kabelanga ma ngi. De genangoka o Yesusu de ona yahinooto o nyawa ma dorou yahidapakuika o gota isosalioainoka, abe womatengo o Yesusu ai nirakoka de womatengoli ai gubadioka, ho ona yaruange manga gota yahiketehimomomoi.

De o wange ikorona abe o takoro ngimoi de hinooto de o tonaka gea mata-mataika atamunuku de o fufutu hiadono o wange ikumurukiha abe o takoro hangeino, ho o wange ma dararono ko yamakeokauahi. De ma oraha gea doka o kota ma goronaka abe Ma Jou ai Tau ma goronaka de o ngoere ma biri-birini ikakihi ho ipelaka hinootoka.

De naga womatengo o Roma ma tentara manga hidimono abe ai digi-digino womalega-lega, de una wamake mata-mata abe idadi o Yesusika. De ka de gea wamake de una wihigiriiri Ma Jouika wato, “Abe Una naa wohonengoka, duru tongaku de tohioriki abe Una o totiai ma nyawa!”