Ayat Alkitab yang Popular daripada Tegagia 1

Kongsi

Mepau Iramo Ue Ala, ”Moikoomo Topokogagio mia montonda gambara-To, kana rupa-To, ka dopabawaio luwuno bou a ntahi ka manu-manu i laro meene, a mpinotuwu ka asa wawontolino, saru a luwuno kondehora anu melele a wita.” Dopokogagio Ue Ala mia montonda gambara-Do, montonda gambara-Do Ue Ala Dopokogagio; tama ka beine Dopokogagi ira.

Ondae Ue Ala rumonso ira, ka mepau ndi ondae, ”Ipo'ulemo ka itetiangi hadio! Buketiomo ka pokopetuuduomo tolino! Ipabawaimo luwuno bou a ntahi, manu-manu i laro meene ka luwuno kodehora melele a wita.”

Amba-ambano Ondae Ue Ala mokogagio langi ka tolino.

Tolino napi hina tadeno ka nahi te'atora. Worikidi tumutuwio tahi malua, ka penaa mempori-Do Ue Ala da menae-naea i wawo uwoi.

Mepau Iramo Ue Ala, ”Gagimo mewine.” Ka i'amba mewine atuu gagiomo.

Dokitao Ue Ala luwuno anu pinokogagi-Do atuu, mengkaa tedoa moiko. Ka i'amba gagiomo ngkiniwia ka gagiomo mo'oru; onaemo oleo ko'onoo.

Dokitao Ue Ala mewine atuu moiko, Doponsiaomo wanta atuu ka worikidi.

Mepau Iramo Ue Ala, ”Kitaomo, Kuweeakomiu luwuno pinopaho anu mehasiliako wukuno i asa wawontolino ka luwuno keu anu wuano mewuku. Luwuno atuu gagi kaangamiu.

Doneeakono Ue Ala mewine atuu meene ka worikidi atuu wongi. Gagiomo ngkiniwia ka gagiomo mo'oru, onaemo oleo ko'aasa.

Mepau Iramo Ue Ala, ”Gagiomo longkuno langi a ntonga luwuno uwoi, monsiao uwoi inso a uwoi.”

Sine a luwuno kondehora mo'ila, luwuno manu-manu i laro meene ka luwuno kondehora anu melele a wita, luwuno kondehora anu hinao penaano atuu, Kuweako ira luwuno pinopaho molowulu gagi kaangado.” Ka gagiomo kanatuu.

Mepau Iramo Ue Ala, ”Gagiomo luwu parewa pompokomewine a longkuno langi ka iponsiao meene inso a wongi. Asalakono luwuno parewa pompokomewine atuu gagi petondoni anu montiso luwuno tempo, luwuno oleo ka luwuno ta'u.

Mepau Iramo Ue Ala, ”Asalakono ka ituwu a wita luwuno tumba mongura: pinopaho anu mehasiliako wukuno ka mperupa-rupa keuno wunga ngkeu anu mehasiliako wua anu mewuku i tolino.” Ka gagiomo kanatuu.

Ka Do'amba Ue Ala mokogagio longkuno langi ka Doponsiao uwoi anu i totono ka totono longkuno langi atuu inso a uwoi anu i wawono. Ka gagiomo kanatuu.

Wita mbo'u moluarako luwuno tumba mongura mperupa-rupa pinopaho anu mehasiliako wukuno ka mperupa-rupa keu anu mehasiliako wua mewuku. Dokitao Ue Ala nine luwuno atuu moiko.

Dopokogagio Ue Ala orua parewa pompokomewine anu langkai: pompokomewine anu lalu langkai ka ipabawaio meene ka pompokomewine anu lalu kodei ka ipabawaio woongi. Dopokogagio mbo'u luwuno anano wula.

Mepau Iramo Ue Ala, ”Asalakono uwoi anu itotono langi tepumpu a asa po'ianga ranta tengkita anu motu'ia.” Ka gagiomo kanatuu. Ka do'amba Ue Ala numeeakono anu motu'i atuu wita, ka tepumpuano uwoi atuu Doneeakono tahi. Dokitao Ue Ala nine luwuno atuu moiko.

Doronsoo Ue Ala luwu atuu, pau-Do, ”Impo'ulemo ka intetiangimo hadio saru mebuketio uwoi a ntahi, ka asalakono manu-manu a wita tetiangi hadio.”

Mepau Iramo Ue Ala, ”Asalakono wita moluarako mperupa-rupa anu tuwu, pinotuwu ka kondehora anu melele ka mperupa-rupa kondehora mo'ila.” Ka gagiomo kanatuu.

Mepau Iramo Ue Ala, ”Asalakono uwoi muluarako anu tuwu anu mpengowo, ka asalakono anu tuwu mepani mpenee-nee i wawontolino telaloio longkuno langi.”

Dopokogagio Ue Ala mperupa-rupa kondehora mo'ila, mperupa-rupa pinotuwu ka mperupa-rupa kondehora melele a wita. Dokitao Ue Ala nine luwuno atuu moiko.