Ayat Alkitab yang Popular daripada मत्‍ति 2

Kongsi

मोबा खोजि मो खिमहोङ्‌सिॽयु पे़खे़ॽनुङ खाङ्‌माबेॽ ओङे़क खोमि मामा मरियमनुङ खाङ्‌डोक्‍टुजि। उःक्‌युनुङ खोजिडे़ॽ ओङे़क सेवा मुसुजि। मोबा खोजिमि थैलि हेन्‍नुङ सुना, बेॽलो नाम्‍जानुहा धुपानुङ केवामि भेटि चेॽटिसुजि।

यहुदियाबेॽए हाङ्‌बा हेरोदमि पालोबेॽ, यहुदिया ठाउँमि बेथलेहेम खिम्‍डेमबेॽ येसु टोगा। नम्‍गे़तलामबाङ जोतिसिजि यरुसलेमबेॽ येसुमि ओहाङ ले़ःॽसिॽ योक्‍मानुङ लेस्‍सामि। माहाजिडे़ॽ इडोॽ लुसाङ याॽमिजि सिप्‍सुजि, “यहुदि जातिजिमि हाङ्‌बा लिनुङ टोक्‍पॽआ ओङे़क हाम्‍बेॽटे टुये ? इन्‍ढोङ्‌होङ कानिङे़ॽ खो टोक्‍पॽआ खामि चिङ्‌गा पिघुबा साङ्‌गे नम्‍गे़तलाम खाङ्‌डोक्‍इटुङ्‌मे मोडोगे़ॽ खोमि ओहाङ ले़ःॽसिॽ कानिङ इगोबेॽ लेङ्‌इटिङ्‌मे़।”

मो साङ्‌गे खाङ्‌डोक्‍नुङ माहा जोतिसिजि सारोनोॽ साप्‍थाक्‍सामि।

मोबा ए़क्‍साङ माहा जोतिसिजि सेम्‍माङ्‌बेॽ “हागो हेरोदबेॽ हे़निङ टेनुङ ए़खडानिङे” लुबॽआसे़ॽ खोजि हाइको रामबाङ टाङ्‌बामि देस टेघडामि। माहा जोतिसिजि खे़ॽपेनुङ ए़क्‍साङ, परभु निवाहाङ्‌मि इक्‍को थाङ्‌सिरिदुत योसेफनुङ सेम्‍माङ्‌बेॽ खाङ्‌मुनुङ इडोॽ लुसु, “पुकडे ओङे़कनुङ खोम्‍मा चिक्‍मानुङ चान्‍डो मिस्‍रा देसबेॽ खे़ॽपेसे, हे़न के़ॽ फेरि आबे मे़लुरेॽलो मोबेॽनोॽ पेने। इन्‍ढोङ्‌होङ हाङ्‌बा हेरोदडे़ॽ इगो ओङे़क सेॽमामि योक्‍मे़ॽनिङ्‌सिन्‍डुए।”