Ayat Alkitab yang Popular daripada Mǒhtûlû̌hǎhtûsa 32

Kongsi

Dě kòyò nutôpwa̤ hî̌ lû̌û kû̌, “Nami̤ kû̌ Khûya̤kò mè̤̌ pe tô̤̌, na mi̤ gǔ khô̌kè kû̌ KhûIsôrěla pě, ma̤titèhî̌dě na tûplû kû̌ Cǒmaradû̌ kû̌ kòyòhǎkhû̌phû̌ dě na pè̤̌ hǒ.”

Htodě kòyò nutôpwa̤ hî̌ lû̌û kû̌, “Plûcû̌kè mò̌ he ma̤titèhî̌dě lṳmṳ̌shî̌ hǒ.” Bǎbǎkǎlè Phaya̤kò hî̌shěshu lû̌û kû̌, “Na kè̌ ǐshowî̤ he tô̤̌ mî̌, he plûcû̌jò na tô̤̌.”

Pô̤̌nudě Phaya̤kò ô̌kè tûû̌ pwǎ dě kòyò tôpwa̤ hè gǎ lû̌û wǎ̤tě̤ dě asî bòtuglǔtèplè̌ lû̌û tǒ̤dǒ lṳ̌mṳ̌lî nuhǒ.

Pô̤̌nudě Phaya̤kò kaǎ gûlǎ̤ nutôkû ami̤ kû̌ Pene̤ěla, dě a hî̌ kû̌, “Dě he kè̌shǐ mè̤̌ca Cǒmaradû̌ kû̌ hesanǎ̤ bǎbǎkǎlè a plû ô̌htûpwa̤ pe he pwǎ.” (Pene̤ěla yô̤̌sǎyô̤̌mû mî̌ kè̌shǐshǔphǔ kû̌ Cǒmaradû̌.)

Bǎ kòyò nutôpwa̤ sî̌ganǎ̤ kû̌ a ma̤pè̤̌ pe Phaya̤kò tô̤̌ akhanu, a tûplû Phaya̤kò akhò̌gòtṳ̌. Dě bǎ asî tûplû lû̌û akhanu, Phaya̤kò akhò̌kǐ gǔ lûsîlî̤kè.

Kòyò nutôpwa̤ gwè̌ lû̌û kû̌, “Na mi̤ kû̌ mò̌pè?” Dě a hî̌shǔ lû̌û kû̌, “Khûya̤kò.”

Phaya̤kò hî̌ lû̌û kû̌, “Khòsǎdô shôbǐǐlṳ̌ mò̌ he nami̤.” Bǎbǎkǎlè a hî̌shǔ lû̌û kû̌, “Na cû̌gwè̌ tǒ̤ hemi̤ ma̤titè?” A hî̌ dě a ǐshowî̤kè lû̌û bǎnu.

Lǒ̤bò ta̤mô̤ dǒ ahǎbòjò tô̤̌ kû̌ ta̤cǒkû̌yô̤̌ dǒ na dǔlṳ̌ hto najû̌ amè̤̌kû̌ he nî̌, a tô nǐ̤bǎ nô̌ tôcǒ꤮ tô̤̌. Bǎ he cû̌bò̌ Jòda shidû̌shite̤we̤ akhanu, heta ô̌ pwǎtǒ̤ nò̌htô̌ tôbô nô̤̌ pwǎ, bǎbǎkǎlè khònò̤̌ he ge dě he ge kû̌ hekòyò plǒcu ginǐ̤prṳ̂ pwǎ.

Pô̤̌nukhû̌khî, tǒ̤khònò̤̌ Isôrělaphû̌ tokhlǒ kè̌ ǎ ta̤yî̌nu, a ǎ pe ahtû̌ dǒ aicu kû̌ khò̌gòtṳ̌ nutokhlǒ tô̤̌. Ma̤titèhî̌dě kòyò nutôpwa̤ tûplû̌ Phaya̤kò akhò̌kǐ bǎ awǐ̤ahtû̌ kòshî̌ nu tôkû akhû̌akhî, asî ǎ tô̤̌.

Htodě Phaya̤kò kwicaba kû̌, “Ǒ hephu PhaAbraha kû̌ hepha PhaIsè̌ a Cǒmaradû̌, na mî̌ Cǒmara tûjû̌pwa̤ dǒ a hî̌ he kû̌, ‘getîkhîsô̌ mò̌ dǒ nashinagǎ kû̌ nakhlinalè tokhlǒ aô̌nu, he gǔ no ǎbǎôbǎ dû̌yò̤̌htò̌ tû̌ na pě, na olò̤ he pô̤̌nu.’”

Bǎbǎkǎlè khònò̤̌, hewè̤̌ PhaĚtò̌ glè̌ hèshě he, dě he ǐsha kû̌ a gǔ hèma̤sibò he kû̌ hephû̌ sîtokhlǒ kû̌ hema sîtokhlǒ akhû̌akhî, khòsǎdô ma̤hǎplǎ pû he nî̌꤮.