Ayat Alkitab yang Popular daripada Marko 9

Kongsi

Naye Jesu kamuza, “Ngera udimagha! Vindu vose vadimika kwa uyu adumusa.”

Iyo ngelo yenyi tatie ulya mwanake kakema keghamba, “Nadumusa, niwarure kwa kusowa idumusi kwangu.”

Nao Jesu aghenda angila nyumba, wairimi wake wakamkotela weo wenyi, “Kudani sitedimile kuigusa pepo?” Naye kawauza, “Iyi pepo siyidimika kugusika kwa ngila ingi, sala kwa kulomba.”

Kisherere ni chaloli; ela kisherere ilyi chasowa kusinga kwake, chideogho ije eri chisinge? Kaleni na kisherere cha mashayo amweni kwenyu, na mkale na sere ghati yenyu.”

“Uyo wose emhokeragha mwanake mumoju sa uyu kwa undu ghwangu imi, wanihokera imi, naye anihokera imi, wamhokera si imi ungi, ela uyu anitumile.”

Fulo namuza, uyo wose emhawagha kikombe cha meji chenwa kwa kukala inyo ninyo wandu wangu imi Kristo, naese upatagha manosi ghake.

“Uyo wose emdeagha mumoju wa wanake wachache awa wanidumusa kugwa kele idumusi, yamfweni kufungo na lwala lwesha singo na kukumbo baharini.

Na ngera iziso lyako lyakushekerera kugwa kele idumusi, lyikule; andu ni baha kwako kungila kele uzuri ghwa Mlungu kifondo, kuchumba kukala na meso maili na kukumbo kele Jehanamu.