Ayat Alkitab yang Popular daripada Matiyu 7

Kongsi

«Ài yi daili kɛ, ài do y'a sɔlɔnne. Ài y'a ɲinin, ài do y'a yene. Ài yi da makɔnkɔn, da do la yi kale ài yɛ.

Kamasɔlɔn ni mɔɔ min ka daili kɛ, wo tii y'a sɔlɔnne. Ni mɔɔ min do v'a ɲininna, wo tii y'a yene. Ado ni mɔɔ min ka da makɔnkɔn, da la yi kale wo tii yɛ.

«Mɔɔ mɔɔ v'a tolomalɔla ǹ kumakannu la k'ai labato, wo tii kɛtɔ iwo kɛ́ hangilima min na aa bon lɔla fala kɔkan.

«Ni ài y'a fɛ mɔɔlu yi ko min bɛ kɛ ài yɛ, àilu gbu yi wo suu dɔ kɛ ai yɛ, kamasɔlɔn a sɛvɛnin ten ne Nabi Musa ya Taulati lɔ, ani kela dɔgbɛlɛlu ya kitabulu lɔ.»

Kɛɛ siya min yi taala niimaya banbali ma, wo donda dɔɔyayine, a do taama gbeleyanin. Mɔɔ dana le a yena dein.»

«Ài yi don da dɔɔyanin fɛ, kamasɔlɔn siya min yi taala mɔɔ halakiya lɔ, wo da buɲayine, a do taama nɔyanin. Mɔɔ siyama le yi taala siya wo fɛ.

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo y'a dailibalu sɔla fen ɲumalu le la!

«Ài k'ài mɔɔɲɔɔlu ya kiti tɛɛ, alako Ala kana àilu fana ya kiti tɛɛ. Kamasɔlɔn ài vɛ ài mɔɔɲɔɔlu ya kiti tɛɛla teme, Ala kɛtɔ àilu gbu ya kiti tɛɛla ten ne. Ài yi sumali kɛla ài mɔɔɲɔɔlu yɛ teme, Ala kɛtɔ sumali kɛla àilu fana yɛ ten ne.

«Mɔɔ mɔɔ do v'a tolomalɔla ǹ kumakan minu la, kɛɛ a do m'ai labato, wo tii kɛtɔ iwo kɛ́ hangilindan, min na aa bon lɔla kiɲɛ kɔkan.

Mindɛ lɔ i yi jilimuu lasaala i badenma ɲa ma, k'a talan i tɛ jilifɛlɛn yena min ile gbu ɲa ma? A yi di? Jilifɛlɛn yi tole i ɲa ma, i yi se a fɔla i badenma yɛ, ko: ‹I lɔ ǹ'i jilimuu bɔ i ɲa ma›?

«Ài y'ài jando ài jɛlɛ lɔ faɲafɔ kelalu ya ko lɔ. Ai y'ai jɛlɛ kɛla iwo saalu ka na ài ma, k'a talan soofali le ai le. Ài kɛtɔ wolu lɔnna ai kɛkolu le ma, iwo kɔlɔman yi lɔnna a den ma teme. A yi di? Mɔɔ yi sene lɛzɛn bɔla tazan na? Mɔɔ yi sene toloden bɔla bin woninma la?

Kɔlɔman kein bɛ yi den kein ne kɛla, kɛɛ do kɔlɔman yon yi den yon ne kɛla.

Kɔlɔman kein tɛ se den yon kɛla, kɔlɔman yon fana tɛ se den kein kɛla.

Kɔlɔman minu tɛ den kein kɛla, wolu bɛ tɛɛtɔle k'ai lafili taa lɔ.