Ayat Alkitab yang Popular daripada Matiyu 16

Kongsi

Wo kɔ, Isa k'a fɔ a kɔbiladennu yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Ǹ'a fɔla i yɛ fana, ile le Piyɛli le, min kɔlɔ yi ko falakolo. Ǹ kɛtɔ ǹa limaniyajama lɔla falakolo wo le kɔkan. Hali saya tɛnala see sɔlɔnna jama wo ma.

Ǹ kɛtɔ koɲiilu dila i ma ka da laka mɔɔlu yɛ, fɔsa ai yi don haijɛnɛ masaya lɔ. Ni i ka ko ko si lasili duukolo kɔkan, wo lasilitɔle haijɛnɛ. Ni do i ka ko ko si lafɔlin duukolo kɔkan, wo fana lafɔlintɔle haijɛnɛ.»

Kamasɔlɔn ni mɔɔ mɔɔ si y'a fɛ ka a nii lakisi, wo tii bɔnɔtɔ a la. Ni do mɔɔ min ka bɔnɔ a nii la ka bɛn ǹe ma, wo tii kɛtɔ niimaya sɔlɔnna.

Ni mɔɔ ka dunuɲa bɛ sɔlɔn ka bɔnɔ a nii la, nafa mindɛ le yi wo la? Mɔɔ yi se mindɛ dila k'i nii kunmaka?

A k'ai maɲininga, a vɛɛ: «Àilu do? Ài yi ǹ jatela jene le?» Simɔn Piyɛli k'a javi, a vɛɛ: «Ile le Masa Tɔɔmasenin ne, ani Ɲɛnɛmayatii Ala Denkɛ.»

Isa do vɛɛ a yɛ: «Yunusa denkɛ Simɔn, i yi duwawuden ne le, kamasɔlɔn i na min fɔla, mɔɔ ma wo lankɛnɛmaya i yɛ, mafɔ ǹ Fa min yi haijɛnɛ.