Ayat Alkitab yang Popular daripada Marɨkusɨ 6

Kongsi

Mbɨ́ʼ ngə́ ɨbɛn bə ghaʼnɨ kə́ ngyiŋə nkə́ ngěn tsɛʼ tɨka Yeso bo bɨ bɨyɛʼ ɨbyi tsí nɨ a abárɨ́ a ndzɨə, Yeso a sóŋ a mbó bɨyɛʼ ɨbyi ngə́, “Nɨ yen á bɨgɨnə ghɛn a nye adiʼ zə atəchi zə tsɛrə, njwitɨ ɨwu a nye məkum a nkfu ə.”

Yeso a sóŋ a mbó bo ngə́, “Bɨ dǐʼ mbɔm zɨ shiʼnɨ a mbó ntóm Ŋwi tsɛʼ ɨdiʼ ɨtsum, lá nkeʼ mə lá be alaʼ bo kə a mbó ɨbɛn bɨ ngwəgɨ ɨzhi kə a mu njwuʼ bo ghe.”

Yeso a yenə fu a mu abáŋ a nkyi za, ndze ɨnɔ ɨbɛn wa ɨ tsínɨ́ ɨwu, nko a mɨlɨŋnɨ ɨwa tsɛʼ a nkan, mbɨ́ʼ ngə́ bo fí mbyindzɨ tsa tsɨ tsínɨ́ tɨ ntsiŋ ɨwa ghe. Ma lan, a tíʼ mbiʼnɨ a ndiʼ bo nɨ ɨnu tsə ghaʼnɨ ə.

A kɨ chi keʼ ɨnu tsɨ yerɨnɨ-yerɨnɨ ghɨ ɨwu, ntsa ngə́ a nyɔ́ŋ mbó ɨmyi atú mbum ɨbɛn bə tsɛrə ba bɨ kɨ́nə́ ngǒ ntsuʼ awa ghe. Anu zə wu a kɨ́ʼnɨ́ ayi be tɨ́sə́n mbɨ́ʼ ngə́ bo sé nɨ abeməntəm chyɛ. Yeso a tíʼ ngɛn a mu ɨtóm tsa tsɨ tsínɨ́ a ngɔbə, ntiʼə ndiʼə ɨwu ə.

Yeso a lɔ́gɨ́ mbɛʼ abán tsa tsi tə̧̂ abɔʼnɨ ɨshwú tsa tsi bá, ndyiŋ fɔməbvurə, nga mɨya a mbó Ŋwi ntiʼ mbatɨ mbɛʼ abán tsa. A ghá a tsɛrə a mbó bɨyɛʼ ɨbyi ngə́ á bɨ yɛbtɨ a mbó ɨbɛn ba. A kɨ́ ngɨ bɨ yɛbtɨ ɨshwú tsa tsi bá a mbó bo bɨtsum ə. Bo bɨtsum dzɨ́ nzhwurɨ, bɨyɛʼ bɨ Yeso bə núm nkárɨ́ ɨ sɛʼ ɨbagɨ abán abɔʼnɨ ɨshwú, tsɨ bə nduŋ nkye nɨghúm ntsɔb bá ghe.