Ayat Alkitab yang Popular daripada Matiu 5

Kongsi

Mo aloxo 'ola. Loxo itema ulexexu lalamo la anu usu'asou no anu ti'a uasi. Anu umulaxu no tanixu lalamo u'isalili so tatemanu tani mukalusi ie'i lamana no anu. La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

Mo ngingi loxo lalamo so lialia. Xe ngaxavutalanu, loxo taoni vile uxolu teitexi no la'olu kisou la anu upala'asi, utalume to uasi.

Laixe noxi'a ane'i ane opone'i malemalenga xo ane'i imaisou Mosinge ane.

Laixe noxi'a ane'i ane opone'i ututuluou ilixo mulapusi aloxo itema usolixu la'ilali ilou lexa. Xo opone'i ututuluou ilixo malemalenga axone la uxali u'isalili no anu masaxa noxi'a ne.

Ia eni avikalangengi aloxo 'o. Ngasexe­laxa'a tauluamengi xe ane'i ane ilosinge tu'umaxu la ngalingau su'ulisi'a noxou Mosinge.

“Laixe noxi'a ane'i ane ilavu lexe no anu xoluxoluxu ulene'i la ane'i ta'olo­xolasi. Xo voxo so Mosinge molu u'uli laxune'i tamitemaou no tualasou la ane'i ixolu nonano ne.

Laixe noxi'a tamitema ane xavine'i so ikalusou oto mo tu'umaxu xo ane'i itavulenu uala lexe Mosinge ta'olu.

Laixe noxi'a ane'i ane itatama vaimomo 'o xo ili'i la ixalisou mamatola ane.

Laixe noxi'a ane'i ane imulinu ilixo mulapusi ka itavulenu tu'umaxusou no avo'a tamitema. Xo voxo so Mosinge molu u'uli laxune'i tamitemaou no tualasou la ane'i a nonano ne kalumo.

Laixe noxi'a ane'i ane opone'i lelemesou so susu noxi'a tamenexi'a xo ane'i ixalisou iaiama ane.

Laixe noxinge loxo ngatavu­lenu navuna­vusou ualasilo. Loxo tamitema ipupuiengi mo ilosinge tu'umaxu mo ikalavoisinge no anu vaikala masua iouiou. Loxo i'oxo noxinge axone la nga'osa'osasi xo ngaxalisou lapesou lailaixe no tualasou Mosinge. Mo ngalavu lexe tatei noxi'a tapolopeti ane mi'uli noxinge la tamitema milosi'a tu'umaxu iou vilesisi axone.”

Laixe noxi'a ane'i ane me'a ilu'ene'i xo Mosinge muvavalima lexe anu upilixinu lialia mukalusi noxi'a.

Xe Iesua muvikala aloxo 'ola, “Ngingi loxo ausou lialia. Ia loxo au tu'axu ukalu la vote'i so taxalisou tu'axula axova? E uasi, anu xaixai no anula uasi. Anu usu'a vitanisi ka tamitema imuamua'isousi.

Laso ane, telexu aloxo 'o. Ngingi ngaxolu talapu no anu ngiou ngiou mukalusi a loxo xoluxoluxu Maminge e uxoxolu no tualasou lailaixe.

Laso ane, vaikalamengi utalo no anu ani o uasi. Anesi. Xo loxo ngasikinu no anu vaikala se'ila la anu molu noxou mosou sususi ane.

Xe Iesua muvikala aloxo 'ola, “Ngingi ngelomusou voto tatei lexe, 'Loxo itema vile umasuanu menexu iou la ngakolinu axonesi. Xe loxo itema vile uxola'u menexu anaxu ilanu la ngakolinu axonesi.' Ia eni avikalangengi aloxo 'o. Nakolinu susu noxou itema ane ususunixine uasi. Na'oxo aloxo 'o. Loxo usavaline la naxiu xalevile so usavalou kalumo.

Xe loxo ieni tema ulapuneni no anu susu la naluvunu usu'a. Xo loxo vasimene pa'usou usu'a axone la anu ialuxu sevile. Ia loxo anu ulapuneni no anu susu ka nasu'a avile no navu so mamulo la natavulenu tu'umaxusou lapilai uasisi. Mo loxo avone tema ulapuneni no anu susu la naxotonu uxexe. Xo loxo vasimene pa'usou usu'a axone la anu ialuxu sevile. Ia loxo ulapuneni no anu susu ka nasu'a avile no navu so mamulo la natavulenu tu'umaxusou lapilai uasisi.”