Ayat Alkitab yang Popular daripada Matiu 13

Kongsi

Ia tamitema se'i ne opone'i uloxu Mosinge vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso xoluxolu noxi'a uxalixu nene'axu laixe loxo uiti ane muleme mo muxalixu nene'axu laixe. Se'i ne nene'axu 100 xe se'i nene'axu 60 xe se'i nene'axu 30.”

Xe se'i la ilomusou votovoto kalumo. Ia anu loxo uiti ngiaxu ane mulapau no taitainu lamota ana'anaxu. Xo tamitema ne opone'i ututulu no anu xoluxolu so vasime'a. Mo anu masaxa so lamoli ne u'oxo loloxa'a laso utanuxu vaikala aloxo lamota ana'anaxu mukuponu uiti xolanu mole unene'a uasi.

Aloxo 'o. Tamitema mose'i ilomusou vaikala laixe so Mosinge u'uli laxune'i tamite­maou no tuala­sou. Ilomusou ia upalasi noxi'a uasi laso Uluaou upalea utokinu vaikala ne uxexe. Anu loxo uiti ngiaxu ane mulapau no vote'i so xai.

Xe tamitema se'i ne ane'i ilomusou vaikala ia anu ulapau no opone'i loxo uiti ngiaxu mulapau no lavolavo'o taitainu. Loxo ilomusou vaikala la ino'u mo i'osasou. Ia opone'i ukasou manina uasi. Anu loxo uiti ngiaxu ane uleme sevile ia uli'u so ulu'elai no lia uasi. Xo loxo tamitema isu'anu anaxa'a noxi'a mo ixililiie'i no anu vaikalaou Mosinge ne, la ane'i i'umesou palea.

Xe muvikalala lexe, “Voxo so Mosinge molu u'uli laxune'i tamitemaou no tualasou la aloxo kesi so lamoli e mi'asixu so mitalumeu no xai vile. Xe itema vilela loxo uxalisou la utalumeula. Mukalu la anu u'osasou misevile mo ulai usalimunu mimiou mukalusi so lamolisou la ulotonu xai ne.”

Ia uiti ngiaxu se'i mulapau no lia lailaixe xe munene'a la se'i nene'axu 100 xe se'i nene'axu 60 xe se'i nene'axu 30.

Ta'oxo aloxo 'o. Ngapilixinu uxolu mo ilou ileme xo mo uiti lingamo. Xe no anu voxo so tamitema so i'elesoui la eni avikalane'i lexe tei ane'i itaxusou laxalasi masua ka isa­kinu tavata­valanu so i'elaxu no navusi. Ukalu la i'elesou uiti temanu mo ita'olunu no tasou iauvaxe noxilo.'”