Ayat Alkitab yang Popular daripada Matiu 10

Kongsi

La Iesua musolonu aloxo 'ola, “Ngalomu, eni apalusinge ngalai la ngingi loxo tasipisipi ilailai no taine'i ta'a'a tavova. Laso no anu lavulavu mo tilovo noxinge la loxo tasineke ia no ilixo noxinge la malemalenga mo lamanasi a loxo tangiala ta'utu 'o.

Loxo itema vile ulaxa'inu maulixu lexe mi noxou mo, la maulixu ne usu'a vitanisi ane. Ia loxo itema vile upilixinu maulixu xo tanu u'oxoxo la anu maulixu uxalixu nene'axu laixe.

Tami­tema ane so ivau vasimenge usoli ia imomomo so imamulonu ulenge­ngi uasi ne, mamu so nga'u­me'a. Ia anu ane so ngamama'u noxou a anu ane xaviou so umamulonu ulengenge ilou vasimenge no navu so mamulo.

Xe itema ane oponu u'osa uasi so utavulenu ovu valautu noxou so usoli no anu la umomomo so uxali itemaxeli uasi.

Xe muvikala aloxo 'ola, “Eni avikalangengi lexe ena'ei uvikala lamana no ie'i tamitema lexe anu vile noxilo la eni avikala lamana no iou Mamilo ane uxolu no tualasou lexe itema anene eni na'a xelimo. Ia loxo evile uvikala no ie'i tamitema lexe anu vile noxilo uasi la eni avikala no iou Mamilo ane uxolu no tualasou lexe anu ne itemaxeli to uasi.

Mo tapipiena la ngapaipoune'i xe tamitema ane isoli la ngapamauline'i xe ane'i so siki lepelesi la ngaxalixu vasime'a malemalenga xe ane'i ane ta'a­ngelo tamasua ikasi'a la ngaku­sai'a noxi'a. Su'uli ane nga'oxonu ne ngano'u lapesou uasi xo su'uli ane ngexalisou la ngalotonu uasi.

Laso nga'ume uasi xo tangiala ne mi loxo utiatila uasi, anu tanungenge uua'ulixa'a tangiala tavu'alo ne avile.

La Iesua musolonu aloxo 'ola, “Mamu so ngaxavutala lexe eni ene'e so asolixu oto'oto no lialia. Uasi manina, eni ene'enu laviso so oto a.