Ayat Alkitab yang Popular daripada यूहन्ना 4

Kongsi

परमेश्वर आत्मा साहा, यह जरूरी साहा कि तेऊरी प्रार्थना करणे आले आत्मा होर सच्चाई का नमस्ते करे।

पर सह वक्त ईंहधा, पर ऐबरे भी साहा, जासू में सच्च भक्त बापू री प्रार्थना आत्मा होर सच्चाई का करलअ , किबेकि बापू आपुबे ऐडे ही प्रार्थना करणे आल़े लोडा।

पर जोह कोई तेऊ पाणी मेंज़ा का झुटलअ जोह माँह तेऊबै दींणा, सह तेहुकी अन्नतकाल तणी शोखअ नांई रहंणअं; पर जोह पाणी माँह तेऊबै दींणा, सह तेऊमें एक सोता बणना जोह अनन्त जीबना बे उमड़ते रहंणा।

यीशु उतर दींना, अगर तूह परमेश्वरा रे बरदाना जाणा, होर यह भी जाणा कि सह कुँण साहा जोह ताहबे बोला, माँह बे पाणी पलाह, तेबा तूह तेऊका माँगा, होर सह माँह बे जिंदगी रा पाणी दींदा।

यीशुये त्याहबे बोलू, मेरा खाणा यह साहा कि आपणे भेज़णे आले री इच्छा रे साबे चलू होर तेऊरा काम पूरा करू।

बेटड़ी तेऊबै बोलू, हे परमेश्वर, ताह सेटा पाणी भरने बे बालटी साहा भी नांई, होर कुअं डूघअ साहा; तेबा ताह सेटा जिंदगी रा पाणी कंदा का ईहणा।

बेटड़ी तेऊबै बोलू, हाऊं जाणा कि मसीहा बे ख्रिस्त बोला, ईहंणे आलअ साहा; जेबा सह ईलहअ , तेबा हामा बे सभे गला खोज़णी। यीशु तेसाबे बोलू, हाऊं जोह ताहबे बोलदअ, सह साहा।

ईच्छा, एकु मणशा हेरा, जूणी सब कुछ जोह मांई करू माँह बे खोजू। कही यह तअ मसीह नांई आंधअ?