Ayat Alkitab yang Popular daripada মথি 6

Kongsi

ইন্দিবা না·সং স্খাংআন ইসলনি সংনক আরো বিনি হা·সিকা গিত্তা রি·না হাম·চেংবো। ইন্দাকোদে উয়া বস্তুরাংখোবা না·সং মা·ন্নুয়া। আম্বুন সালনা দা·আ চানচিয়াবো

আম্বুন সালনি চানচিয়াখো আম্বুননান দন্নারিবো। সালনি নেং·আ উয়া সালনান চু·য়োংআ।

‘‘উনি গান্দা আংআ না·সংনা আগানিংআ, মুয়াখো চা·নুয়া-রিংনুয়া ইন্নে না·সংনি জাংগিনা বা মুয়াখো গান্নুয়া চিন্নুয়া ইন্নে না·সংনি বে·এননা দা·আ সিমব্রাবো। চা·না রিংনাসান জাংগি হং·জা আরো গান্না চিন্নাসান বে·এন হং·জা।

ইন্দিবা নাং·নি বি·মিত্তিংও নকনিং·আচা রি·য়াংএ দ·গা চিপচাংবো আরো মিৎথিনাও দংগিবাচা বি·বো। মিৎথিনাও নিকগিবা উয়া ফাগিবান নাং·নি মা·ন্নানিখো নাং·না হ·ন্নুয়া।

উনি গান্দা না·সং ইন্দাকে বি·বো: ও সালগিও দংগিবা চিংনি ফাগিবা, নাং·নি বিমুংখো রংথালা ইন্নে ইনথকনা। নাং·নি সংনক রি·বাখানা। সালগিও জেদাক্কে উয়ানদাক্কে হা·গিলসাকোবা নাং·নি নামনিকা চু·সকখানা।

চিংনি চা·না নাংআখো দা·আলো চিংনা হন·বো।

চিংনি সাক্কাও জেরাং অন্যায় দাক্কা, চিংআ জেদাক্কে বিসংখো ক্ষেমা দাকজক উগিত্তান না·আবা চিংখো ক্ষেমা দাকবো।

চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

না·সং গিপ্পিনরাংনি নামগিজাখো ক্ষেমা দাক্কোদে সালগিও দংগিবা না·সংনি ফাগিবা না·সংখোবা ক্ষেমা দাকনুয়া।

‘‘সাক্কানি দো·দ্রাংখো নিবো, উরাং গামজা, রাতজা, জামওবা চিম্মংজা, ইন্দিবা না·সংনি সালগিনি ফাগিবা উরাংনা চা·আনিখো হ·ন্না। না·সং উরাংনা বাত্তে নাম্মেন গামচাতজামা?

‘‘ইয়া হা·গিলসাকো না·সং আন·থাংথাংনা গামজিনরাংখো দা·আ চিম্মংআবো। ইনোদে মারাম চা·আ আরো জ·ওংরাং নাসিয়েতে গাল্লা আরো চা·খক চা·উয়া। ইন্দিবা সালগিও মারাম চা·জা, জ·ওংরাং রাতজা আরো চা·খকবা চা·ওজা। উনি গান্দা সালগিও আন·থাংথাংনা গাম চিম্মংবো, মুয়ানা জেও নাং·নি গামজিনরাং দংনুয়া নাং·নি গিসিকবা উয়োন দংনুয়া।

‘‘দারাংবা নকগিবা সাকগ্মিনি নকখল হং·না মান·জা, মুয়ানা বিয়া সাকসাখো মিৎচিনুয়া আরো সাকগিপ্পিনখো খা·সানুয়া। বিয়া সাকসাখো নামনিকনুয়া আরো সাকগিপ্পিনখো চন্নিকনুয়া। না·সং ইসলনি আরো গামজিননি নকখল হং·না মান·জা।

দা·আলো হা·বাও দংগিবা জে সামচেংরাংখো আম্বুনো চুদাপো গাল্লেতনুয়া, উখো ইসল ইন্দাকে থারিওদে ও বিবিরা·ব্রিগিজাগিবারাং, বিয়া না·সংখোবা উনা বাত্তে গান্নেত-চিন্নেতনুয়া।

ইন্দিবা না·আ দিল্লা-চন্নারাংনা মামুংখো হন·মিত্তিংও নাং·নি জাক্রা জাক মুয়াখো দাক্কিংআ উখো নাং·নি জাক্কাসি জাকনা দা·আ হা·আইনা হ·ন্না, জেদাক্কে নাং·নি হ·ন্নানিরাং মিৎথিনাও হ·ন্না গিত্তা হং·আ। ইন্দাকোদে মিৎথিনাও গিম্মিকখো নিকগিবা নাং·নি ফাগিবান নাং·নি মা·ন্নানিখো নাং·না হ·ন্নুয়া।

‘‘সিমসাকবো, মান্দিরাং নিকখানা ইন্নে বিসংনি মিকখাংও দা·আ থরম দাক্কাবো; দাক্কোদে না·সংনি সালগিও দংগিবা ফাচানি না·সংনি মামুং মা·ন্নানি দংজানুয়া।

‘‘না·সং অকগুমুন চাকমিত্তিংও বু·এ চা·গিবারাং গিত্তা মিকখাংখো দা·আ সিমফ্রাকেতে দন্না। বিসংদে মান্দিরাংনা ফিন্নিকনা ইন্নে স্খুও আরো মিকখাংও হা·দুবুখো সিত্তে রোরামা। আংআ না·সংনা বিবিন আগানিংআ, বিসং আন·থাংথাংনি মা·ন্নানিখো মান·থকজক। ইন্দিবা নাং·নি অকগুমুন চাকমিত্তিংও না·আ স্খুও তেলখো সিতবো আরো মিকখাংখো মিকসুবো, জেদাক্কে গিপ্পিনরাং নাং·নি অকগুমুন দংআখো হা·আইজা। ইন্দাকোদে মিৎথিনাও দংগিবা নাং·নি ফাগিবান নাং·খো নিকনুয়া। মিৎথিনাও গিম্মিকখো নিকগিবান নাং·নি মা·ন্নানিখো হ·ন্নুয়া।