Ayat Alkitab yang Popular daripada Matyo 24

Kongsi

Ghəə a bəbə a nə dow tsəghə shi tsu fa n mbi sa, ləghə zə iwû i nə̂ kəm way. À kee loʼ nə̀, wù wey tə i kow tsunə fə̀ŋ ndòw kùm i ndòw, tə i keeli ibəghəshi.

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Ghaa nə̂ zow tsam tə, nkee nyəŋŋə i tətsam. Kə̂ ghaa nə̀ kee keelinə fə̀ŋ tə tsəŋə tə, boʼnə ghəə a tii a teeli khə ni ney kəbənə, i kee dii dzə way nə̀ mbi nya dza i may.

Naʼa tə i zuulə baalə ghi naʼa tə, fɔ̀ɔ tə i zuulə baalə ghi fɔ̀ɔ tə, ghəlitsə kə i noʼlə n ndəmə təluʼu, dzəŋ i faalə i nə̂ loʼ. Ghəə ghən a maŋ loʼ nzeyyə n ghəə ghey a khənə ni bə, tə̀ waa nə ziʼi num tsuunə weyzən abə tə kaʼ tsunə ni sòʼ waa.

Bikighow nsə ghəlitsə kə î tsəghə nuulənu, ghɔɔmə zuŋ i nə tsəghə koʼ way.”

Ndəmə aghə̂ ghə i bəghənu, ghə ney zəd zuŋ, ghə i dza tə̀ ghə̂ ghə nə̀, ‘À loʼ mə̀ wù wey Zə̀ kə â dza naŋa nə̀ i tûm bənu’, sey, ghə i sìi laʼ ndəmə aghə̂.

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ. Ndəmə aghə̂ ghə i buu doʼo n bəghəm i fə̀ŋ i ghə. Ghə i bàa wû i ghə zə, fìilə fuu wû i ghə. Ndəmə tûm tə Kəzə̀ tə tsɔŋɔ tə nə̂ kɔʼɔ bə, ghə nə̂ sìi laʼ ndəmə aghə̂.

Yeso n beeli ndòw ghə nə̀, “Ney na ghə̂mə zə n wû i ghaa, kə̂ wù nə̀ nəbənə ghaa.

Sey, ghaa khə ni ləmmə tənə nəŋə tədzəm, n təŋkey, Waa Weynum î bəghə n nəŋə zey ghaa moʼlə way nə̀ tə loʼ ni bə tii.”

Sey, ney na ghə̂mə zə n muu i ghaa, n təŋkey, ghaa khə naŋa way tsuʼ fey Mûkəbii ə ghaa nə̂ bəghənə tii.

Yeso n kəm dza ndow tə ghə nə̀, “Wù loʼ khə way tsuʼ fey nkee nəŋə zey Waa weynum i bəghənə tii, kasə tsətəndəghə tə Kəzə̀ tən tə loʼnə idəŋ nkee Waa wi khə way, a khə kə Bày.

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Bə̀ i Waa Weynum zə î doʼlə tə̀ nghee ghəə ghə â loʼnə n nəŋə i Noa. N tsuʼu mey mmuu mə â ka kam bə kuŋŋə maʼa təluʼu, ghə̂ ghə n zə̂ə, mə̂ə nlə, ney aghey, gheyzən ghə n ney ndòw anum, ni ndòw kùm n nəŋə zey Noa â nyi kɔʼnə nə̀ kəfə̀n. Ghə n ka zowkeeli ghəə zey i shiənə ni ndòw kuum n nəŋə zey dzuu â luu shi bənə tii, kuŋŋə maʼa kɔʼ ghə. Zə î bɔɔmə doʼlə soʼo sey abə waa weynum î bənə.