Ayat Alkitab yang Popular daripada Maki 6

Kongsi

Ti Yezu nyaa yele ba yeti, “Wa'am ya na ti tu kiŋɛ ya muuen ha tu ma'a la tu ta vo'ohe fii.” Se'ere en sɔi la, nɛreba zo'e zo'e en kinɛ ba zi'an na gee lɛbera, ti saŋa la fii wa ka bɔna ti ba pun wan di.

Ti Yezu yele ba yeti, “Nɔtɔgeheba ka tari zuo ba mɛhi tihi, ba mɛhi suurɔ, la ba mɛhi yiya puan.”

Yezu n ta paaɛ ko'om la nuuren la, a nyɛ nɛrekuuŋɔ la mɛ, ti nimbu'ɔ nyɔkɛ en. Se'ere en sɔi la, ba ani wuu piihi n ka tari dunkiina la. Ti a pɔhɛ pa'ala ba yɛla zo'e zo'e.

Ŋwana wa zuo, Yezu ka ta'am tum tuunkãra bilam han dagena nɛreba fii wa ti a dikɛ a nu'uhi pagelɛ ba zuto tibɛ ba. Ti la iŋɛ Yezu pakerɛ la ban ka sakɛ bo' en la. Ti Yezu dɔla timbibehi puan pa'ala nɛreba yelehum la.

Ti Yezu dikɛ boroboro banuu la zim i yi' la, gorege bihɛ saazuo, purɛ sum bahɛ dia la zuo gee fige boroboro la, dikɛ bo' a zahereba la yeti, ba to'e tɔrɛ nɛreba la, gee figehe zim i yi' la me bo' ba za'a. Ti ba to'e tɔrɛ nɛreba la, ti ba za'a di tigɛ, gee ti ba doohe va boroboro la, la zim la ti ba obe tigɛ gee bahɛ la, pirɛ pitɔ pia la tu yi'.