Ayat Alkitab yang Popular daripada ወንጌል ዘሉቃስ 23

Kongsi

ወይቤ እግዚእ ኢየሱስ አባ ስረይ ሎሙ እስመ በዘኢየእምሩ ይገብሩ ወተዓፀዉ ዲበ አልባሲሁ ወተካፈሉ።

ወአውሥአ እግዚእ ኢየሱስ ወይቤሎ አማን እብለከ እመን ፈድፋደ ከመ ዮም ትሄሉ ምስሌየ ውስተ ገነት።

ወይቤሎ ለእግዚእ ኢየሱስ ተዘከረኒ እግዚኦ አመ ትመጽእ በመንግሥትከ።

ወሶቤሃ ጸርሐ እግዚእ ኢየሱስ በዐቢይ ቃል ወይቤ አባ ውስተ እዴከ አመሐፅን ነፍስየ ወዘንተ ብሂሎ መጠወ ነፍሶ።

ወበጺሖሙ ብሔረ ዘስሙ ቀራንዮ በህየ ሰቀልዎ ወእልክተኒ ክልኤተ ፈያተ አሐደ በየማኑ ወአሐደ በፀጋሙ ሰቀሉ።

ወቀቲሮ ጊዜ ስሱ ሰዓት ሞተ ፀሐይ ወጸልመ ኵሉ ዓለም እስከ ጊዜ ተሱዓት ሰዓት። ወጸልመ ፀሐይ ወተሰጠ መንጦላዕተ ምኵራብ እማእከሉ እምላዕሉ እስከ ታሕቱ።

ወርእዮ መስፍነ ምእት ዘኮነ አእኰቶ ለእግዚአብሔር ወይቤ አማን ጻድቅ ውእቱ ዝብእሲ።