Ayat Alkitab yang Popular daripada Matiye 6

Kongsi

Daartee aran *Laamaare Alla, e foonnitaare makko. Den ko horii fu, on ɓeydante ɗum.

To on cukulanee gam jaaŋo, jaaŋo sukulanto hoore mum. Nyalaane fu, toora mum heƴii ɗum.»

«Gam majjum bi'anmi on: To on cukulanee yonkiiji mooɗon dow ko nyaamoton e ko jaroton. To on cukulanee ɓalli mooɗon dow ko ɓornotoɗon. Yonki ɓuraa nyaamdu na? Ɓannu ɓuraa koltal na?

Amma an, to aa du'oo, naatu suudu maa, maɓɓaa dammugal, eelaa *Baaba maa e cuuɗiiɗum. Den, Baaba maa ji'oowo ko woni der cuuɗiiɗum, yoɓete ɗum.

«Nani ɗo no haani du'oroɗon: ‟Baaba amen tawaaɗo dow kammu, inne maa e senii. *Laamaare maa wara. Sago maa laatoo dow leydi, hande no ŋo laatorii dow kammu.

Hokku men nyaamdu keƴannu men hanne.

Yaafana men hakke amen, hande no minon bo men jaaforanto woofananɓe men.

Taa accu men naata der jarbeeji, amma hisin men diga e Kalluɗo. [Gam an nun laamaare, e baawɗe, e tedduŋal fu woodani faa abada. Aami!]”

To on jaafanake himɓe boofi mum, Baaba mooɗon gonuɗo dow kammu yaafanto on onon bo.

Daaree pooli piirooji: Ɗi aawataa, ɗi duggataa, ɗi galaa rummuure. Amma e non, *Baaba mooɗon gonuɗo dow kammu e nyaanna ɗi. On ɓuraa pooli tedduŋal na?

«To on kawritanee ko'e mon jawdi der duuniyaaru, to mooƴi e guƴuhon biisata ni, ɗum bo to wuyɓe yulata cuuɗi mon, wujja ni. Amma kawritanee ko'e mon jawdi dow kammu, to guƴuhon e mooƴi biisataa ni, wuyɓe bo heɓataa wujja ni. Gam to jawdi maa woni, ɗon ɓerne maa bo wonoto.»

«Walaa baawoowo ko jagganii joomiraaɓe ɗiɗo, gam o wanyan oo ɗo, o yiɗa oo to, o takkontiran e oo ɗo, o yawoo oo to. On baawataa ko jagganii *Alla, e jawdi.»

To Alla e holtina kuɗooji ladde tawaaɗi hanne, jaaŋo ɗi bulee yiite, o holtintaa on ɓura non non na? Onon ɓe goonɗinki paanɗuki!

Amma, to aa hokka sadaka, taa accu junŋo maa nano anna ko nyaamo waɗata. To a waɗii ɗum, sadaka maa laatoto e cuuɗiiɗum. Den *Baaba maa ji'oowo ko woni der cuuɗiiɗum, yoɓete ɗum.»

«Kakkilee, to on kollitee gaɗu mooɗon geetu yeeso himɓe gam ji'eɗon. To on gaɗii ɗum, on keɓataa riiba to *Baaba mooɗon gonuɗo dow kammu.

«To oon cuumoo, to on jurmikinee hande no munaafitiiɓe waɗata. Ɓee jiɓa geese maɓɓe gam himɓe annita ɓee cuumii. E gooŋa batanmi on, ɓe keɓii ko riiba maɓɓe. Amma an, to aa suumii, sulma, bujoɗaa wardi. Den himɓe annitintaa naa aa suumii. Amma *Baaba maa mo yi'ataake tan anni. Baaba maa ji'oowo ko gaɗuɗaa der cuuɗiiɗum, kanko yoɓetee.»