Ayat Alkitab yang Popular daripada Sɩngre 27

Kongsi

Bɩ Wẽnnaam kɩt tɩ yĩngr meenem sig f zugu. N kɩt tɩ f paam tẽngã bõn-koaadla, tɩ f paam bɩle ne reezẽ rã-paalg wʋsgo! Bɩ soolem toay-toayã neb sak foom, tɩ buud toay-toayã wõgemd fo taoore! Fo na n yɩɩ f saam-biisã soaala. La bɩ fo ma-biisã wõgemd fo taoore! Ned ning sẽn na n kãab-a foom wẽnga, a soab na n paama kãab-wẽnga, La ned ning sẽn na n ning-a fo zug barka, A soab na n paama barka!»

A Ezayu yeelame: «Yaa b sẽn pʋd yẽnda yʋʋr t'a Zakoobã yĩng la yẽnda sẽn zãmb maam hal naoor a yiib fãa wã bɩ? Yẽnda reng n deega mam bi-kãsen-pʋɩɩrã, la a leb n deeg mam barkã yɛsa.» A Ezayu soka a baaba yaa: «Yãmb ka leb n tar bark baa bilf mam yĩnga?»

A ba wã yeela yẽnda yaa: «Ade, fo yir na zãaga ne zĩ-bʋgsã, la a zãag ne saasẽ la yĩngr meenem me. Fo na n talla f sʋʋg n zab n paam n vɩɩmde. Fo yao wã n na n sooga foom. La fo sẽn na n yeebdẽ, n gilgd n kẽnd ka la ka wã yĩnga, fo na n tõogame t'a ka leb n soog foom ye.»

A Ezayu yeela a baaba yaa: «Rẽ yĩnga, yaa bark a yembr bal la yãmb tar la? M baaba, ning-y maam me barka.» La a Ezayu zẽka a koɛɛg n yãbe.