Ayat Alkitab yang Popular daripada Pewaliana 17

Kongsi

I tempona hi Abara motinuwuꞌ 99 ntoꞌa, PUEꞌ mampetidoꞌki wotaNa pe hi Abara hei mantiꞌi pe io, “Akumo Pueꞌ Ala to Makuasaꞌ, tuwuꞌmoko hawaꞌi uwaꞌ dakena i hinarongKu.

Alaꞌ tiꞌo, konaꞌmu handoꞌiomo hi Abara, angkana hi Burahima, alaꞌ ingko Kuparilangkaꞌmoko mewali umoꞌna woriꞌ kodatua.

Aku hingkiꞌ mampoꞌuwaꞌA podandi hante ingko wute i muleꞌmu nantolou-louna mewali podandia tota uwaꞌ koꞌukoana, hingkeꞌna Aku mewali Pueꞌ Alamu hei Pueꞌ Alana muleꞌmu.

“Hieꞌemo dandingKa pe ingko, ingko hingkiꞌ mewaliko umoꞌna woriꞌ kodatua.

Angkana Pueꞌ Ala mantiꞌi, “Hawaꞌi, hantambimumola hi Sara to hingkiꞌ mampoꞌanaꞌki oꞌanaꞌ tomaꞌani pe ingko, hei ingko hingkiꞌ mangkokoneꞌi hi Isaki, hei Aku hingkiꞌ mampoꞌuwaꞌa podandiangKu hante io mewali podandia tota uwaꞌ koꞌukoana pe muleꞌna.

Aku hingkiꞌ mampaꞌanikei woiꞌ peꞌohaꞌa to ipeꞌohaꞌikei hibali toaꞌ to wolaꞌ iseꞌe pe ingko hante pe muleꞌmu, iomo lekiꞌna woiꞌ Kanaꞌa hingkiꞌ kupepaꞌaniki iꞌompui wute nantolou-louna, hei Aku hingkiꞌ mewaliꞌA Pueꞌ Alara.”

Katoꞌo hi Burahima melingkotuꞌmo hante rouꞌna toꞌu pe woiꞌ hei nokokereꞌilu hei notiꞌi i lalina, “Uwaꞌreꞌi ka haduo to motinuwuꞌmo 100 ntoꞌa hieꞌe hingkiꞌ moꞌanaꞌ tene? Hei hingkiꞌ moꞌanaꞌreꞌi tene hantambingka hi Sara to motinuwuꞌmo hio mpuluꞌ ntoꞌa?”

Kololiuhana Pueꞌ Ala mohawaꞌ pe hi Burahima, “Noniuꞌ hantambimu hi Sarai, Inioꞌmo iwowoi hi Sarai, angkana Kuwolihimo konaꞌne iomo hi Sara.

Hangangaa nibulabaꞌ mewali tandaꞌ podandingKu hante ingko.

Angkana podandiangKu hingkiꞌ kupoꞌuwaꞌ hante hi Isaki, to hingkiꞌ nopoꞌanaꞌki hi Sara pe ingko i toꞌa to hupaꞌ i tempo to hibali hieꞌe.”

Oꞌanaꞌ to moꞌumuruꞌ walu ando hangangaa nibulabaꞌ, iomo duo-duona tomaꞌni ka ingkei moromiꞌ anaꞌna hawiꞌmu to nipoꞌanaꞌki i tambimu ba hawiꞌmu to nihili. Toaꞌ to nipoꞌanaꞌki i tambimu hei toaꞌ to ihili hante doiꞌ hangangaa nibulabaꞌ, horiana mewali haꞌanu komambahana podandiangKu tota uwaꞌ koꞌukoana.