Ayat Alkitab yang Popular daripada मत्ती 13

Kongsi

पर किछ लोक उपजाऊ धरतिया साई हुआं ये तिसच जे किछ ब्यू पैईरे, सै दाणे उगे कने पौध्यां साई बधे कने बौहत सारी फसल पज्जी, ये सै माहणु ये सै जे मेरा बचन सुणां ये कने इसजो समझां ये, कने परमेशरा जो खुश करने औल़े काम्म बौहत जादा कराँ ये।”

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

लोक सै जे परमेशरा रे बारे च सुणां यें भई सै कियां लोकां रियां जिन्दगियां पर राज कराँ कने नीं समझदे भई जो किछ तिन्हें सुणया सै तिसा बाटा साई आ तित्थी जे सै किछ दाणे पैईरे, शैतान औआं कने जो किछ तिन्हें सुणीरा हुआं तिसजो भुलाई देआं।

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

परमेशर तिन्हां लोकां पर राज कराँ सै जे खेता च छिपीरे धन-दौलता साई आ, सै किसी माहणुये जो मिलया कने फेरी तिने सै तित्थी गड्डीत्या, कने खुशिया रे मारे अपणा सारा किछ बेच्चीने तिस खेता जो खरीदिल्या।

पर किछ ब्यू खरिया धरतिया पर पै, कने खरी फसल ल्याये, फसल जितणी जे बाहीरी थी, तिसते कोई सौ गुणा, साठ गुणा, कने तीह गुणा हुई।

फसला रिया कटाईया तक इन्हां दुईं जो सौगी-सौगी बधणे देआ, कने कटाईया रे बगत हऊँ कटणे औल़यां ने गलांगा भई पैहले जंगली दाणयां रे डाल़ूआं रे पुल्ले बन्हीने तिन्हांजो फुकी दवा, कने कणका जो कठेरीने मेरे पेड़ुये च पाई दवा।’ ”