Ayat Alkitab yang Popular daripada लूका 6

Kongsi

लोकां जो खरियां चिज़ां देआ करा, तां परमेशरा तुहांजो बी खरियां चिज़ां देणियां; लोकां पूरा नाप दबाई-दबाई ने कने हिलाई-हिलाई ने कने उभरदा हुआ तुहांरिया गोदा च पाणा, काँह्भई जिस नापा ने जे तुहें नाप्पां ये, तिसने इ तुहांरे खातर बी नापया जाणा।”

खरा माहणु अपणे मना रे खरे भण्डारा ते खरियां इ गल्लां कड्डां, कने बुरे माहणुये रे बुरे मना ते बुरे काम्म कने बुरे बिचार इ निकल़ां ये। सै जे किछ तुहांरे मना च भरीरा हुआं सै वेई तुहांरे मुँआं च औआं।

बल्कि अपणयां दुश्मणां ने प्यार रखा, कने तिन्हांरी भलाई करा, कने वापस लेणे री आशा न रखीने उधार देआ; कने तुहां खातर बड्डा ईनाम हूणा; कने तुहें परमप्रधान रे बच्चयां हूणा, काँह्भई सै तिन्हां पर बी सै जे धन्यवाद नीं करदे, कने बुरयां पर बी मेहरवानी कराँ ये।

तियां जे तुहांरा पिता सबनीं पर दया कराँ, तियां इ तुहें बी दया करने औल़े बणा।

“दुज्यां पर इल्जाम नीं लगावा, नैत परमेशरा बी तुहां पर इल्जाम लगाणा। किसी री निंध्या नीं करा नैत परमेशरा तुहांरी बी निंध्या करनी। दुज्यां जो माफ करा, तां तुहांजो बी परमेशरा माफ करना।

“पर हऊँ तुहां सुणने औल़यां ने बोलां, भई अपणे दुश्मणां ने प्यार रखा; कने सै जे तुहांजो बैर रखां ये, तिन्हारा भला करा।” सै जे तुहांजो शराप देओ, तिन्हाजो आशीष देआ; सै जे तुहांरी बेईज्जति करो, तिन्हारे खातर प्राथना करा।

कने तेढ़ा जे बर्ताव तुहें चाँये भई लोक तुहां सौगी करो, तुहें बी तिन्हांने तेढ़ा इ वर्ताव करा।

सै जे तेरिया इक्की खाखा पर चपैड़ मारीने बेज्जति करो तिस खौ दुज्जी बी फेरी दे; कने सै जे तेरा कुर्ता खोई लो, तिस्सो कुर्ता लेणे ते बी नीं रोक। सै जे तेरते कोई चीज मंगां, तिस्सो देई दे; कने सै जे कोई तेरी चीज लेईने दूर चली जां, तिसाजो तिसते वापस लेणे री कोशिश नीं कर।

“लोक पेड़ा साई ये, कोई खरा पेड़ नींआ, सै जे निकम्मा फल़ देआं, कने न त कोई निकम्मा पेड़ आ सै जे खरा फल़ देआं।

हर पेड़ अपणे फल़ा ते पछयाणया जां; काँह्भई लोक बराड़ियां ते अंजीर नीं तोड़दे, कने नां बुटड़यां ते अँगूर।