Ayat Alkitab yang Popular daripada Matayo 26

Kongsi

Ikalagi miso na lombagi, mutizingila mu kugengʼwa; moyo hene gukalalilwe, aliyo mili gwene nogoleku.

Hunaho ubawila giki. Bupanga wane bupinihalile hihi kucha, ikalagi aha, ngʼwikale miso hamo na Nene.

Nanghwe usegenela hado, ugwa ha si matuja nzwi, ulomba, uhaya giki, Baba, ulu yudulika, kikombe iki kinibitile ho, aliyo iti iyo natogilwe Nene, aliyo gitumo utogilwe Bebe.

Iki aya gali mininga gane a ga ilagano ipya, agasejiwa kulwa bingi, ga kukuula shibi.

Aho bakulyaga Yesu usola ngati, na aho wamala kugusungulila lubango, ugumeganya na ubinha bahemba, uhaya giki, Anukulagi, lyagi, uyu gwene mili gwane.

Na usola kikombe, na aho wamala kulumba, ubinha, uhaya giki, Ngʼwelagi mo bose

Na wiza ku bahemba, ubasanga bashutulile, na ungʼwila Petro giki, Kinahe, ngʼwalemelwa kwikala miso hamo na Nene nulu saa imo?

Aliyo namuwila giki, Natalangʼwa hangi ku matwajo aya ga nzabibu kushisha ku lushiku ulo aho nalangʼwa mapya hamo ningʼwe mu butemi wa ngʼwa Baba.

Na Petro wizukwa mhayo uyo Yesu wali wangʼwila giki, Nghungulume aho itali kuhila, ukunilema nghangala idatu. Na ufuma hanze, ulila shisoji.

Bukagi, tuje; lolagi uyo alininha ko wegelaga.

Hunaho Yesu ungʼwila giki, Shoshaga lilushu lyako mu kilalo chalyo: iki bose abadima lilushu balakenaguka na lilushu.