Ayat Alkitab yang Popular daripada Matayo 24

Kongsi

Na kulwa bugomi bulabiza wingi, butogwa wa bingi bulapola. Aliyo uyo wiyumilija kushisha ku mhelo, ngʼwene alapijiwa.

Na evangeli iyi ya butemi ilalomelwa mu si jose, ibize bukaniji ku mahanga gose; hunaho lulu mhelo iliza.

Mulabizigwa bulugu na nghumo ja mabulugu; ilanghanagi, mutizufungʼwa ngholo; iki mihayo iyi yose shigelile kubiza ho, aliyo mhelo itali.

Iki ihanga lilubukila ihanga liye, na butemi bulubukila butemi wiye; na galabiza mayala, na mahuya, na manyahinga, mu mapande gangi na gangi. Aliyo iyo yose yene wandijo wa kulungʼwa busungu.

Igulu na si shilabita, aliyo mihayo yane italabita.

Iki bingi baliza mu lina lyane, balabyuhaya giki, Nene ndi Kristo; nabo balalembalemba bingi.

Hunaho balangʼwinha ko kuluhiwa, na balamubulaga; na mahanga gose galamukolwa kulwa nguno ya lina lyane. Hunaho bingi balipama, baliyinha ko benekele na benekele, na kwikolwa. Na bahangi bamama bingi balabuka, balabalembalemba bingi.

Na Yesu ushosha ubawila giki, Ilanghanagi, munhu ose atizumulembalemba.

Kulwa iyo, ningʼwe bizagi mumalilile; iki ngʼwikanza ilo mutiganikilaga Ngʼwana wa munhu aliza.

Kulwa iyo, ikalagi miso: iki mutamanile ngʼwikanza ki Seba wingʼwe alizila mo.

Aliyo mhayo gwa lushiku lwenulo, na ikanza ilo ati ho uyo amanile, nulu bamalaika ba ngʼwigulu, aliyo Baba wike.

Iki galabuka Makristo mamama na bahangi bamama, nabo balita shimanikijo shitale na sha kukumya, kushisha nose kubalembalemba nulu basolwa, ulu yudulika.

Gitumo yali yubiza mu shiku ja ngʼwa Nuhu, nu kwiza kwa Ngʼwana wa munhu nako kulabiza chene. Iki gitumo bali bali mu shiku ijo aho ihuma lyali litali kubiza ho, baalyaga, na baangʼwaga, na baatolaga na baatolagwa, kushisha lushiku ulo Nuhu aho wingila mu ngalaba, Nabo bali batumana kushisha ihuma lyiza, na lyubatwala bose; nu kwiza kwa Ngʼwana wa munhu nako kulabiza chene.