Ayat Alkitab yang Popular daripada Eyohana 15

Kongsi

Ame angyiŋ e wo Esi Awandzi, nga agimi angyiŋ e wo embgu. Areyaŋ a mbo la a dzu eso me le, ame a mbo e dzu eso baŋ, á fu agbro nzenze. Adlidzi angyiŋ, agimi e kpo e gbu bimi e kpo ekplokyeŋ mbo o wo le ame e wo ka la gimi ayga dne.

E dzu eso me le, ame a mbo é dzu eso bimi. O wo bimi e dzu eso me mbo le, agimi é kpo é gbu bimi é fu agbro mbo. Okyku eshi ombgu awandzi o kpo o gbu ba alo o fu agbro mbo o wo le alo o dzu ésĩ andzi lo dne.

O wo bimi é dzu eso me le, odlo me a mbo ó dzu eso bimi nga, ekployaŋ a mbo ba agimi é vẽ, agimi é hwiŋ lo.

Agimi angyiŋ e sla me mbo, ame angyiŋ e sla gimi. Ame e hom gimi otum okyku o da gimi e yi e fu agbro nzenze. Agbro edgu he lo, á tpi ayi mbo. Ada á shri ekployaŋ a mbo bimi e vẽ eshko me á shri á da gimi.

Are a wo la oklokyeŋ la o gre oklo baŋ a bmi nga a kpu okyku moa-kyeŋazba mbo.

Aŋa a la a kplu ombguyaŋ a mbo la o wo o me o wo ba alo o fu agbro mbo, nga a la a hli ombguyaŋ a mbo la o la o fu agbro, okyku o da lo o fu agbro o ta ma-ma.

Ame e shĩ gimi, agimi e klo egimi eka ba ame e klo gimi.

Moa a la a hlu Adugu eshko ozhẽ agbro ba agimi e la e fu nzenze. Ozhẽ he lo sha angyiŋ agimi é dzu moanwyeotum me.

Eyesu a lu mi le, Ame angyiŋ e wo Esi Awandzi ba adlidzi nga Adugu a wo areagbi lo.

Areyaŋ a mbo la a dzu eso me mbo le, moa a se ŋa a ta a bi eka moa a kplu ombgu aki, nga ó mom o khwo nga le moa a la a pla lo á shki nga moa á ta lo ovo.

Ame e lu ohe lo e da gimi okyku o da gimi e hwiŋ ovye ba ame e shri e di, okyku o da gimi e hwiŋ lo nzenze.

O wo ba agimi e bmi ta la odlo me le, agimi é dzu oklo me, eka ba ame e bmi ta la odlo ba Ahogbrẽ, nga ba ame e dzu oklo baŋ.

Ame e shĩ gimi, agimi e klo egimi.

O wo bimi e wo moarehwi ba obiŋ hi le, obiŋ hi ó klo gimi eka ba alo o klo moarehwi ba obiŋ hi. Ambo ame e sla gimi esla angyiŋ nga agimi e wo moarehwi ba obiŋ hi angyiŋ mbo. Okyku eka he lo angyiŋ, obiŋ hi o la o tla gimi.