Ayat Alkitab yang Popular daripada ꞌMặt‑ꞌthai 6

ꞌMặt‑ꞌthai 6:33

Tai Dam

Cón#mết, hảư ꞌkhớng ha phén ꞌhôm ꞌngáu Chảu Pua#ꞌPhạ, ꞌtoi ꞌluống đi ꞌluống ꞌmen ꞌsướng ꞌTan chảu#bók, ꞌlẹo ꞌpứng ꞌchương ꞌpứng ꞌnọng ꞌcợn ꞌnặn ꞌTan chảu ꞌcọ ꞌchí hảư tứm#máư.

Bandingkan

Selidiki ꞌMặt‑ꞌthai 6:33

ꞌMặt‑ꞌthai 6:34

Tai Dam

ꞌSướng ꞌnặn ꞌnhá ngắm lo săng ꞌmự#ꞌpụk. ꞌMự ꞌpụk hák ꞌmí ꞌviạk ngắm lo ꞌmự ꞌpụk#ꞌló. ꞌViạk khổ khốn ꞌmự đaư ꞌcọ ꞌpó ꞌmự#ꞌnặn.”

Bandingkan

Selidiki ꞌMặt‑ꞌthai 6:34

ꞌMặt‑ꞌthai 6:25

Tai Dam

ꞌSướng ꞌnặn ꞌháu chắng bók ꞌpứng ꞌnọng#ꞌva, ꞌnhá ꞌpuốn lo săng nẳng ꞌchua ꞌlới ꞌviạk#kin, ꞌhứ#ꞌva ꞌchương ꞌnung ꞌmá sáư ꞌmo#ꞌkính. ꞌChua ꞌlới ꞌvén quí ꞌsứa sia ꞌchương#kin, ꞌmo ꞌkính ꞌcọ quí ꞌsứa sia ꞌchương ꞌnung#ꞌquá.

Bandingkan

Selidiki ꞌMặt‑ꞌthai 6:25

ꞌMặt‑ꞌthai 6:6

Tai Dam

Hák#ꞌva ꞌpứng ꞌnọng ꞌchí đé so Chảu Pua#ꞌPhạ, hảư khảu cuông hỏng#chảu, hắp tu ꞌlẹo chắng đé so ꞌhọt Chảu Pua ꞌPhạ phủ pên ꞌPo ꞌpứng#ꞌnọng, ꞌTan chảu phủ ꞌháu báu#hên, ꞌTan chảu hák ꞌhụ hên ꞌviạk đé so ꞌlặp ꞌsuôn ꞌlẹo chắng ꞌchí sưởng hảư ꞌpứng#ꞌnọng.

Bandingkan

Selidiki ꞌMặt‑ꞌthai 6:6

ꞌMặt‑ꞌthai 6:9-10

Tai Dam

ꞌSướng ꞌnặn hảư ꞌpứng ꞌnọng đé so ꞌhọt Chảu Pua ꞌPhạ ꞌsướng#ꞌnị: ꞌChiếng Chảu Pua ꞌPhạ phủ pên ꞌPo dú cá ꞌmướng ꞌphạ So hảư ꞌchư siêng Chảu ꞌPo sỏng ꞌnhó khửn sung ꞌsứa#mết. So hảư phén ꞌhôm ꞌngáu Chảu ꞌPo ꞌmá téng đa ꞌmướng#ꞌlum So hảư pên ꞌtoi chaư Chảu ꞌPo dú nẳng ꞌmướng ꞌlum ꞌcọ ꞌsướng điêu cắp ꞌmướng#ꞌphạ.

Bandingkan

Selidiki ꞌMặt‑ꞌthai 6:9-10

ꞌMặt‑ꞌthai 6:11

Tai Dam

ꞌMự ꞌnị so hảư ꞌpứng ꞌlụk đảy ꞌmí#kin.

Bandingkan

Selidiki ꞌMặt‑ꞌthai 6:11

ꞌMặt‑ꞌthai 6:12

Tai Dam

So Chảu ꞌPo dáng ꞌdóm ꞌviạk ꞌpứng ꞌlụk đảy ꞌdệt phít ꞌSướng ꞌpứng ꞌlụk đảy dáng ꞌdóm hảư phủ ꞌdệt phít tó ꞌpứng#ꞌlụk.

Bandingkan

Selidiki ꞌMặt‑ꞌthai 6:12

ꞌMặt‑ꞌthai 6:13

Tai Dam

So Chảu ꞌPo ꞌnhá hảư ꞌpứng ꞌlụk tốc ꞌlứa pay ꞌluống ꞌtáng#phít So ꞌchoi ꞌpứng ꞌlụk đảy ók khói sia phi ꞌhại.

Bandingkan

Selidiki ꞌMặt‑ꞌthai 6:13

ꞌMặt‑ꞌthai 6:14

Tai Dam

Hảư đé so ꞌsướng#ꞌnặn, ꞌva ꞌpứng ꞌnọng dáng ꞌdóm hảư phủ ꞌdệt#phít, Chảu Pua ꞌPhạ phủ pên ꞌPo ꞌpứng ꞌnọng dú cá ꞌmướng ꞌphạ ꞌcọ ꞌchí dáng ꞌdóm ꞌviạk ꞌpứng ꞌnọng đảy ꞌdệt#phít.

Bandingkan

Selidiki ꞌMặt‑ꞌthai 6:14

ꞌMặt‑ꞌthai 6:26

Tai Dam

Bớng tô ꞌnộc bin cang hao#ꞌnặn, ꞌmắn báu#ꞌhụ#ván, báu#ꞌhụ kếp kiếu khảu ꞌmá ꞌhốm sáư ꞌlạu#ꞌvạy, hák Chảu Pua ꞌPhạ phủ pên ꞌPo ꞌpứng ꞌnọng dú cá ꞌmướng ꞌphạ ꞌcọ ꞌnhắng ꞌliệng ꞌmắn#ꞌló. ꞌChí ꞌvạu săng ꞌpứng ꞌnọng#máư, ꞌcọ ꞌvén quí ꞌpéng ꞌsứa tô ꞌnộc#ꞌquá.

Bandingkan

Selidiki ꞌMặt‑ꞌthai 6:26

ꞌMặt‑ꞌthai 6:19-21

Tai Dam

“ꞌPứng ꞌnọng ꞌnhá ꞌtọn hom ꞌchương khong quí ꞌpéng ꞌvạy nẳng phén đin ꞌmướng#ꞌlum, pên bón ꞌmí ꞌméng ꞌmí niểng cắt#kin, ꞌmí phủ ꞌlặc chók#au. Hảư ꞌtọn hom ꞌnéo quí ꞌpéng ꞌvạy nẳng ꞌmướng#ꞌphạ, pên bón báu#ꞌmí ꞌméng ꞌmí niểng cắt#kin, báu#ꞌmí phủ ꞌlặc chók au#đảy. ꞌNéo quí ꞌpéng ꞌpứng ꞌnọng ꞌvạy bón#đaư, chaư ꞌpứng ꞌnọng ꞌcọ dú bón ꞌnặn#lo.

Bandingkan

Selidiki ꞌMặt‑ꞌthai 6:19-21

ꞌMặt‑ꞌthai 6:24

Tai Dam

Báu#hón ꞌmí phủ đaư ꞌkhớng nả ꞌviạk hảư song phủ pên#chảu, ꞌpưa#ꞌva ꞌchí ꞌchắng chảu phủ ꞌnị pay ꞌhặc chảu phủ#ꞌnặn, ꞌhứ#ꞌva ꞌchí ꞌsư tó chảu phủ ꞌnị ꞌlẹo ꞌcọ đu ꞌngai chảu phủ#ꞌnặn. ꞌNéo ꞌnặn#lo, ꞌpứng ꞌnọng ꞌchí ꞌkhớng ꞌviạk Chảu Pua ꞌPhạ ꞌtếng#cá ꞌviạk ꞌhăng ꞌmí ꞌpọm căn báu#đảy.

Bandingkan

Selidiki ꞌMặt‑ꞌthai 6:24

ꞌMặt‑ꞌthai 6:30

Tai Dam

Chảu Pua ꞌPhạ pên phủ dỏng téng pá nhả kheo#ꞌchăn, ók ꞌmá ꞌmự#ꞌnưng, ꞌmự lăng ꞌcọ tắt au pay sáư#ꞌpháy. ꞌPứng ꞌnọng pên phủ#ꞌcốn, Chảu Pua ꞌPhạ ꞌvén ꞌchí ꞌkhớng téng ꞌchương ꞌnung hảư ꞌsứa lỏ#ꞌquá, ꞌsứ ꞌpứng ꞌnọng chắng ꞌmí chaư ꞌchưa ꞌnọi ꞌcợn#ꞌlế.

Bandingkan

Selidiki ꞌMặt‑ꞌthai 6:30

ꞌMặt‑ꞌthai 6:3-4

Tai Dam

Hák#ꞌva lỏ#ꞌpứng ꞌnọng ꞌmí săng ꞌchoi ꞌcốn#khó, ꞌmưa ꞌmứ khoa au#hảư, báu#hảư ꞌmứ ꞌsại#ꞌhụ, ꞌdệt ꞌnéo báu#hảư phaư#ꞌhụ. Chảu Pua ꞌPhạ phủ pên ꞌPo ꞌpứng ꞌnọng hák ꞌhụ hên ꞌviạk ꞌdệt phúc ꞌdệt bun ꞌlặp ꞌsuôn ꞌnặn chắng ꞌchí sưởng hảư ꞌpứng#ꞌnọng.”

Bandingkan

Selidiki ꞌMặt‑ꞌthai 6:3-4

ꞌMặt‑ꞌthai 6:1

Tai Dam

Chảu ꞌGiê‑ꞌsu ꞌvạu máư#ꞌva: “ꞌNhá ꞌdệt ảng ꞌviạk phúc bun tó nả ꞌcốn ꞌtếng lai ꞌpưa hảư sau#hên. ꞌVa hák ꞌdệt ảng ꞌsướng#ꞌnặn, ꞌcọ ꞌchí báu#đảy ꞌnéo sưởng nẳng Chảu Pua ꞌPhạ phủ pên ꞌPo ꞌpứng ꞌnọng dú cá ꞌmướng#ꞌphạ.

Bandingkan

Selidiki ꞌMặt‑ꞌthai 6:1

ꞌMặt‑ꞌthai 6:16-18

Tai Dam

“ꞌChớ đaư ꞌpứng ꞌnọng ꞌcắm báu#kin, ꞌnhá ꞌdệt nả sảu mong ꞌsướng ꞌpứng ꞌcốn nả ꞌsư chaư ꞌcột#ꞌnặn, sau ꞌdệt nả héo ꞌpưa hảư ꞌcốn ꞌtếng lai hên#ꞌva sau ꞌcắm báu#kin. ꞌHáu ꞌvạu ꞌsư hảư ꞌpứng ꞌnọng#ꞌhụ, sau đảy sưởng nẳng phủ ꞌcốn hên ꞌlạ ꞌsịn#thôi. Hák#ꞌva ꞌpứng ꞌnọng ꞌchí ꞌcắm báu#kin, hảư suối#nả, ꞌtá ꞌnặm ꞌmắn vi#phôm, báu#hảư sáu ꞌhụ chắc chảu ꞌcắm báu#kin, ꞌmí ꞌto Chảu Pua ꞌPhạ phủ pên ꞌPo ꞌpứng ꞌnọng ꞌhụ#ꞌló, ꞌTan chảu phủ ꞌháu báu#hên, ꞌTan chảu hák ꞌhụ hên ꞌviạk ꞌlặp ꞌsuôn ꞌlẹo chắng ꞌchí sưởng hảư ꞌpứng#ꞌnọng.”

Bandingkan

Selidiki ꞌMặt‑ꞌthai 6:16-18

Ayat Alkitab yang Popular daripada ꞌMặt‑ꞌthai 6Kongsi

Pelan Bacaan dan Renungan percuma yang berkaitan dengan ꞌMặt‑ꞌthai 6

Ayat Alkitab yang Popular daripada ꞌMặt‑ꞌthai 6