Ayat Alkitab yang Popular daripada Maréko 4

Kongsi

Ke e ûmiê, ke e heni ali dan. Ke e pii te ali jié pie: «Go cuwo!» Ke caa te ju wâé mwo a amu, ke e cuwo ali dan. Ke e pii telé pie: «É mu ko ade na mwotikewé? Time geé uce téele céihi kuti?»

Kehe te nihe mwotilé, ke lé pipii telé pie: «Éé! Be he woo pa apulie ce, me lu piténedeeng a dan me a jié?»

Kehe wo Iésu, ke e teko pule alecehe ali ong, pwo a paapun. Lé paûmiêeng wo lépwo acémun den, ke lé pii ten pie: «Pa apipune, genye o caa mwiiê! Woté! Time uce junaado ne tem?»

Ke e pii telé mwo pie: «Geé pipwocile nina geé téne! Be e o bo pwo tewé wo Padué nina geé pwo te lépwo béén. Ke e o bo pwo celi nihe piubwo koja nina geé pwo.

Ke e pii mwo wo Iésu pie: «Mepwo a *Mwametau te Padué, ke pwohewii ani: «E bwo mu wo pa céiu apulie, ke e bwo cemi ni âdaanu ne ha apwoamu ten. Ke é alecehen, ke e mwo pwome mwaale, ke e pule he bwén, ke e ûmiê ha acaama. Ke é ha a benaamwon naa, ke lé cim li âdaanu, ke piubwo jélé da. Kehe icehi ana wo paje, ke time e uce temehi ace bwo cim nen.

Wo paceli pwo ce pwojéénen me e téne, ke wâé heme e téne!»