Ayat Alkitab yang Popular daripada LUCAS 23

Kongsi

Jesús aipo e'i: “Che Ru, ndeñerö ko opakatu ava upe, esepia ndoikwai mba'e gwembiapo yuvɨreko.”Sundao eta rumo igwayɨño Jesús turukwar rese oyeupe imboya'o-ya'o agwä yuvɨreko.

Jesús omboyevɨ chupe:–Supiete ko pɨpe ereikora tekwa apɨre'ɨ̇ va'esave che rupi.

Ipare aipo e'i iri:–Jesús, nde ma'endu'ami tëi che rese akoi eremboɨpɨse nde mborerekwasa.

Jesús säse pirätä aipo e'i:–¡Che Ru, amondo che espíritu ndeu!Aipo o'e pare voi omano.

Oyepotase Ava akä kangwer serer va'esave, a'eve oyatɨka Jesús kurusu rese yuvɨreko iyavei ñuvɨrïo mbɨa oporapichi va'e, ñepëi mba'e rese ipokosa kotɨ ambuae evokoiyase mba'e rese ipokoe'ɨ̇sa kotɨ.

Osupitɨse rumo mbɨter arɨ, iyavei ka'aruopakatu ite ɨvɨ rupi pɨ̇tü. Arɨ avei ogwe tuprɨ, a'e pɨpeve avei turukwar tüpäro asɨasa mbɨter rupi tuprɨ ovo.

Evokoiyase Roma ɨgwar sundao rerekwar osepiase ko mba'e poromondɨisa, Tüpä mboeteisa pɨpe, aipo e'i:–Supiete ko mbɨa ndaseko maräi va'e.