Ayat Alkitab yang Popular daripada JUAN 4

Kongsi

Esepia Tüpä ni'ä Espíritu sekoi, sese akoi omboetei va'e oyapora Tüpä Espíritu pɨpe supi tuprɨ va'e ite yuvɨreko.

Oyepota rumo arɨ ipapaprɨ, iyavei a'e ite ko kurïtëi, akoi oyerure supiete va'e Tüpä upe imboeteisave yuvɨreko opɨ'a katuprɨsa pɨpe, Tüpä rembiapo katuprɨsa Espíritu rupi. Supiete Tüpä oipota yaposa ko rupi imboetei agwä.

akoi ava oɨ'u va'e rumo ɨ che remimondo, ndi'use iri chietera. Esepia che amondo va'e ɨ ndopai va'erä ite a'e omboura tekovesa ndopai va'e ava upe.

Jesús omboyevɨ chupe:–Ereikwase Tüpä porerekosa ndeundar viña iyavei ereikwase a'e ava ndeu ɨ rese oporandu va'e, nde evokoiyase ereporandura sese chupe, a'e evokoiyase omondora ɨ ndopai va'e ndeu viña.

Evokoiyase Jesús aipo e'i:–Che movɨräkwäsa rumo che mbousar porokwaita a'e ayapora iyavei amboavɨye rane itera iporavɨkɨ.

A'e kuña aipo e'i chupe:–Evokoiyase nde, mba'e pɨpe vo ɨ erenoserä, iyavei ko ɨgwa ipɨkuku iteanga: ¿kesui vo aipo eremboura ɨ ndopai va'e cheu?

A'e kuña aipo e'i chupe:–Che aikwa Poropɨsɨrösar yu agwä (a'e Cristo); iyavei akoi a'e ouse, omombe'u tuprɨra opakatu mba'e oreu. Jesús aipo e'i chupe:–Che ni'ä a'e aiko, a'e avei ko oñe'ë nderese.

–Perio, tapesepia pe ñepëi ava opakatu tuprɨ omombe'u mba'e che rembiapokwer cheu. ¿Nda'ei pi'ä a'e Poropɨsɨrösar?