Ayat Alkitab yang Popular daripada Dioni 3

Kongsi

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Koda꞉ma꞉ta꞉ ipika꞉ Weki kenke wanda꞉halina꞉ pi yokaalu peaalo pa꞉la꞉ hali haena꞉yeke na tapake ika꞉ mea da꞉taalo pa꞉la꞉ hali haena꞉yeke tapaeyekeme.

Koto pi leeke handa Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali epima꞉ pa panake weki leke na mendia꞉ka꞉na꞉ta꞉ kota꞉ Koda꞉ ipika꞉ Kilu Tombuao Hala꞉eki na handilieke leekeme.

Kutupa hali epima꞉ mo hande Weki pa꞉ta꞉ hone tulao haya꞉ka꞉na꞉ta꞉ pi yokaalu pilieeki pa꞉ta꞉ na pelieke. Pate hali epima꞉ hone na tulao haya꞉ka꞉na꞉ta꞉ hande pi yokaalu pilie natena꞉ Koda꞉na꞉ Weki homeke pa꞉ta꞉ hone na tulao hayeke ekina꞉ ipikana꞉ma꞉ wini pea꞉peke na ya꞉la꞉me.

Mo pi yokaalu pulu pa꞉la꞉ ekita꞉ dupae. Do kenkena꞉ pa̱a̱ pa꞉la꞉eki amba꞉ epa꞉la꞉pate haliwekima꞉ta꞉ ika꞉ hoke haumanu pu haleme ekina꞉ hande pa̱a̱ pa꞉la꞉ ekita꞉ kiao mo timba꞉la꞉ pamba꞉la꞉eki pa꞉ta꞉ haluekema꞉ hone witelememe.

Ipikita꞉ tieke daeyatiki pitolo haena꞉ta꞉ I̱ta꞉ hosiki uniatiki pea꞉peke ya꞉la꞉me.

Hoke hau pu haleme haliwekima꞉ta꞉ mo pa̱a̱ pa꞉la꞉ ekina꞉ ika꞉ hoke haumanu peneme yao walaapa꞉na꞉ ota꞉ kiaaso hata꞉ mo pa̱a̱ pa꞉la꞉eki pa꞉ta꞉ na ipilimikie.

Hali epima꞉ hande Eiyeke pa꞉ta꞉ hone tulao haya꞉ka꞉na꞉ta꞉ kota꞉ koto halima꞉ da꞉ta꞉ hao halo pa꞉la꞉pate hali epima꞉ hande Eiyekena꞉ kakena꞉ na homea꞉ka꞉na꞉ta꞉ deto hala꞉eki na miki haena꞉ Koda꞉ ipika꞉ mineke panka꞉la꞉eki koto hali pa꞉ta꞉ ula꞉me.

Hande Mosesima꞉ mo hapu hayeke alena꞉ hata꞉ mo keto mea a꞉meiyaeyeke tupa꞉ta꞉ kota꞉ koto tupa꞉ kone hande Wanda꞉halina꞉ Eiyeketa꞉

Atekema꞉ ipika꞉ Eiyeke pa꞉ta꞉ pukima꞉ homolo hata꞉ ala꞉ta꞉ ala꞉ta꞉ paeyao Eiyekena꞉ kiki pa꞉ta꞉ wina꞉ la꞉la꞉me.