Ayat Alkitab yang Popular daripada Jone 3

Kongsi

Anatumi isa wambu dupwa ama mona retapala banya Ikinyingi mendaki dokoko jiya. Dokona baa kapa ingingi lao suu pyarami dupwa kwalu kwao kwaa napala kyakana renge palu palenge doko nyerami.

Dokonako ingyuo Anatumi Ikinyingi dokome isa wambu dupwa yapalya yapana pyuo lao koo keta palyala pena leyande daa. Baame isa wambu dupwa lete wai pyao nyera lao pena leya.

Yesumi baa lamaiyuo, Kinyi kinyi langilyu, mendalipi kyaka ingyuo manjo nyii nara ramo dokome Anatunya isingi yulu doko kando nyii nara leya.

Baa kapa ingingi lao suu pyapala mona mairami dupwa kambuyanda pyuo lao koo keta palyaramo kara narami. Mendeme baa kapa ingya nange lao suu pyapala mona mai nalyaminyi dupwa epapu kambuyanda pyuo koo keta palyapyamo karaminyi. Anatunya Ikinyingi mendaki dokona kingi doko kapa ingya nange lao suu pyapala karaminyi dokona kote pii palamo.

Yanga paupau lenge doko isa panda epeyamopape isa wambu dupwame baa mona mai napala yulu koo pingi dokome iminjingi yulu dupwa mona mailyaminyi renge dokona kote pii palamo.

Banya yulu doko ando nyimbu paramopa nambana yulu doko kukyu para ingilyamo leya.

Wambu yulu koo pingi dupwa peparaeme yanga paupau lenge doko awa napala nakamana yulu koo dupwa nolako see nana lao yanga paupau lenge dokona epa nange.

Ikinyingi baa kapa ingingi lao suu pyapala mona maiyuo karaminyi dupwa kyakana renge kulisa palu palenge doko nyerami. Mendeme Ikinyingi doko laramuli pyuo pyuo kara naramo doko kyakana palenge renge doko kando nyii nara ingyaramopa Anatunya imbu singi doko baa keta palira.

Dee, Moseseme yuu muiyane dokona kau doko ketae minyalyiya doko suu pyao Ikinyingi Akali ketae minyalyarami ingilyamo.

Rakange dokome Ikinyingi doko mona retenge, dee, baame bange yulupi peparae banya kingi kape dokona reteya.