Ayat Alkitab yang Popular daripada Лука 19

Kongsi

Кижи Уулы дезе, јылыйганды таап, аргадаарга келген.

– Кайраканныҥ адынаҥ келип јаткан Каан алкышту! Теҥериде амыр болзын, кӧк-теҥериде турганга мак!

Иисус айтты: – Бӱгӱн бу айылга аргадаш келди: бу да кижи Авраам уулы.

Иисус ол јерге једип келеле, саҥ ӧрӧ кӧрӱп, айтты: – Закхей, капшай тӱш! Меге бӱгӱн сениҥ айлыҥда болор керек. Ол меҥдей тӱжӱп, Оны айлында сӱӱнчилӱ уткыды.

Закхей дезе туруп, Кайраканга айтты: – Кайракан! Јӧӧжӧмниҥ кабортозын тӱреҥилерге берейин, кемди кӱјӱреген болзом, тӧрт катап кӧп јандырып берейин.

Улустыҥ ортозынаҥ кезик фарисейлер айттылар: – Ӱредӱчи, ӱренчиктериҥди токтот. Је Ол каруу јандырды: – Айдып турум слерге: олор унчукпай барза, таштар кыйгырыжып чыгар.