Ayat Alkitab yang Popular daripada ໂຢຮັນ 19

Kongsi

ເມື່ອ​ພຣະເຢຊູເຈົ້າ​ໄດ້​ຮັບ​ເຫຼົ້າ​ອະງຸ່ນ​ສົ້ມ​ນັ້ນ​ແລ້ວ ພຣະອົງ​ຈຶ່ງ​ກ່າວ​ວ່າ, “ສຳເລັດ​ແລ້ວ.” ແລ້ວ​ພຣະອົງ​ກໍ​ກົ້ມ​ຫົວ​ລົງ ແລະ​ຊົງ​ມອບ​ຈິດ​ວິນຍານ​ໄວ້.

ຫລັງຈາກ​ນັ້ນ ພຣະເຢຊູເຈົ້າ​ຮູ້​ວ່າ​ທຸກສິ່ງ​ໄດ້​ສຳເລັດ​ແລ້ວ, ເພື່ອ​ໃຫ້​ສຳເລັດ​ຕາມ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ ພຣະອົງ​ໄດ້​ຊົງ​ກ່າວ​ວ່າ, “ເຮົາ​ຫິວນໍ້າ.”

ເມື່ອ​ພຣະເຢຊູເຈົ້າ​ຫລຽວ​ເຫັນ​ຜູ້​ເປັນ​ແມ່ ພ້ອມ​ທັງ​ສາວົກ​ຜູ້​ທີ່​ພຣະອົງ​ຮັກ​ຢືນ​ຢູ່​ທີ່​ນັ້ນ, ພຣະອົງ​ຈຶ່ງ​ເວົ້າ​ຕໍ່​ແມ່​ຂອງ​ພຣະອົງ​ວ່າ, “ນາງ​ເອີຍ ນີ້ແຫລະ ຄື​ລູກຊາຍ​ຂອງ​ເຈົ້າ.” ແລ້ວ​ພຣະອົງ​ກໍ​ກ່າວ​ແກ່​ສາວົກ​ຄົນ​ນັ້ນ​ວ່າ, “ນາງ​ຄື​ແມ່​ຂອງ​ເຈົ້າ.” ນັບ​ຕັ້ງແຕ່​ນັ້ນ​ມາ ສາວົກ​ຄົນ​ນີ້​ກໍ​ຮັບ​ເອົາ​ນາງ​ມາຣີ​ໄປ​ຢູ່​ໃນ​ເຮືອນ​ຂອງຕົນ.

ພໍ​ພວກເຂົາ​ມາ​ຮອດ​ບ່ອນ​ພຣະເຢຊູເຈົ້າ ກໍ​ເຫັນ​ວ່າ​ພຣະອົງ​ຕາຍ​ແລ້ວ ພວກເຂົາ​ຈຶ່ງ​ບໍ່ໄດ້​ທຸບ​ຂາ​ຂອງ​ພຣະອົງ. ແຕ່​ທະຫານ​ຄົນ​ໜຶ່ງ​ໄດ້​ໃຊ້​ຫອກ​ແທງ​ຂ້າງ​ຂອງ​ພຣະອົງ ເລືອດ​ແລະ​ນໍ້າ​ໄດ້​ໄຫລ​ອອກ​ມາ​ທັນທີ.

ສິ່ງ​ເຫຼົ່ານີ້​ເກີດຂຶ້ນ ເພື່ອ​ໃຫ້​ສຳເລັດ​ຕາມ​ຂໍ້​ພຣະຄຳພີ​ທີ່​ວ່າ, “ກະດູກ​ຂອງ​ເພິ່ນ ຈະ​ບໍ່​ຖືກ​ຫັກ​ຈັກ​ເຫຼັ້ມ.” ແລະ ຍັງ​ມີ​ຄຳ​ຂຽນ​ໄວ້​ໃນ​ພຣະທຳ​ຂໍ້​ໜຶ່ງ​ອີກ​ວ່າ, “ພວກເຂົາ​ຈະ​ຫລຽວ​ເບິ່ງ ຜູ້​ທີ່​ພວກເຂົາ​ໄດ້​ແທງ​ນັ້ນ.”

ດັ່ງນັ້ນ ພວກເຂົາ​ຈຶ່ງ​ຄຸມ​ພຣະເຢຊູເຈົ້າ​ອອກ​ໄປ ພຣະອົງ​ແບກ​ໄມ້ກາງແຂນ​ຂອງ​ພຣະອົງ​ອອກ​ໄປ ໃນ​ບ່ອນ​ທີ່​ມີ​ຊື່​ວ່າ ກະໂຫລກ​ຫົວ. (ພາສາ​ເຮັບເຣີ​ເອີ້ນ​ວ່າ ໂຄລະໂຄທາ.)

ພວກ​ທະຫານ​ໄດ້​ເຮັດ​ມົງກຸດ​ດ້ວຍ​ເຄືອ​ໜາມ ແລະ​ສຸບ​ໃສ່​ຫົວ​ຂອງ​ພຣະອົງ ແລ້ວ​ພວກເຂົາ​ກໍ​ເອົາ​ເສື້ອຄຸມ​ສີມ່ວງ​ອ່ອນ​ນຸ່ງ​ໃຫ້​ພຣະອົງ