Ayat Alkitab yang Popular daripada Genesis 3

Kongsi

As tra honnick y ven dy row yn billey mie son beaghey: as aalin gys y thooill; as billey dy ve er ny yeearree dy yannoo creeney: ghow ee jeh’n vess, as ren ee gee; as hug ee myrgeddin da e sheshey va mâree, as ren eshyn gee.

Nish va’n ard-nieu ny s’croutagh na ooilley cretooryn y vagher va’n Chiarn Jee er chroo: as dooyrt eh rish y ven, Nee son dy vel Jee er ghra, Cha negin diu gee jeh dy chooilley villey ’sy gharey?

As ver-yms noidys eddyr uss as y ven, as eddyr y sluight ayd’s, as y sluight eck’s: nee eshyn y kione ayd’s y vroo, as nee uss broo yn voyn echeysyn.

Dooyrt eh rish y ven, Neem’s dy mooar bishaghey dty hrimshey, as dty yiennaghtyn; ayns trimshey ver oo cloan son y theihll, as bee dty yeearree gys dty heshey, as nee eh reill harryd.

Ayns ollish dty vaaish nee oo gee dty arran, derrey chyndaa-ys oo gys yn ooir: son ass shen v’ou er dty ghoaill: son joan oo, as gys joan nee oo reesht chyndaa.

As dooyrt eh rish Adam, Er-y-fa dy vel oo er choyrt geill da goan dty ven, as dy vel oo er n’ee jeh’n villey my-e-chione ren mee dty harey, gra, Cha negin dhyt gee jeh: cursit ta’n thalloo kyndagh rhyt’s: ayns trimshey nee oo gee jeh ooilley laghyn dty vea.

As dooyrt eh, Quoi dinsh dhyt dy row rooisht? Vel oo er n’ee jeh’n villey my-e-chione hug mee sarey dhyt, nagh jinnagh oo gee jeh.

Myr shen deiyr eh magh yn dooinney: as hoie eh kione-har garey Eden Cherubim, as cliwe ailagh va chyndaa er dy chooilley heu, dy lhiettal y raad gys billey yn vea.

As denmys Adam ennym yn ven echey Eve, er-yn-oyr dy nee ish va moir ooilley sheelnaue.